ကျောင်းသားဘ၀လို့ဆိုလိုက်တာနဲ့ကျွန်မတို့မကင်းနိုင်ကြာတာကတော့ ကျောင်းကားပါပဲ။ တက္ကသိုလ်ကျောင်းတွေက အသစ်တွေတိုးချဲ့ဆောက် လာတာနဲ့အမျှ ကျွန်မတို့လဲကျောင်းသွားရတာ တဖြည်းဖြည်းနဲ့ ဝေးဝေးသွားတော့ ကျောင်းကားကိုအမှီပြေးကြရပါတယ်။ ကျောင်းကားကိုမမှီလို့ လိုင်းကားနဲ့သွားရတဲ့အခါကျတော့ ကားကြပ် တဲ့ဒုက္ခ၊ မှတ်တိုင်တိုင်းမှာလူအကြာကြီးတင်ခေါ်တဲ့ဒုက္ခ၊ လူနံ့၊ချွေးနံ့တွေများစွာနဲ့ အသက်ရှုမ၀တဲ့ဒုက္ခ၊ ယောကျာ်း ရင့်မကြီးတွေရဲ့ထိုင်ခုံလုထိုင်မှုဒုက္ခ၊ လူမဆန်တဲ့လူတွေရဲ့နှမချင်းမစာနာတဲ့ဒုက္ခ..... စတဲ့ ဒုက္ခပေါင်းစုံကို ခံစားရပါတယ်။

ကျောင်းကားနဲ့တောင်မှ ၄၅မိနစ်ကျော်ကျော်စီးရတဲ့ခရီးကို လိုင်းကားနဲ့ဆို ကျွန်မတို့၁နာရီခွဲနီးပါးအချိန်ပေးရပါ တယ်။ ကျောင်းတက်ရတာနဲ့ စာမေးပွဲဖြေရတဲ့ရက်ကတစ်လမပြည့်လို့သာပဲ၊ တစ်နှစ်လောက်များတက်ရရင် ကျွန်မကျောင်းတက်ရတာထက် ကျောင်းကားစီးရတဲ့ဒုက္ခကြောင့်ဘွဲ့တောင်ရပါ့မလားမသိ။

ကျွန်မတို့ပထမနှစ်ကိုတက်ရတဲ့အချိန်တုန်းက ဗိုလ်တထောင်ကောလိပ်မှာစတက်ခဲ့ရတာပါ။ အိမ်နဲ့ကလည်း နီးတော့ ဖရက်ရှာလဲဖြစ်၊ အသစ်အဆန်းလဲဖြစ်နေတော့ ကျောင်းတက်ရတာကို ပျော်လိုက်တာ….။ ကျောင်းတက်ရတဲ့ တစ်လဆိုတဲ့အချိန်လေးကနည်းနေသေးလို့ ကျောင်းပိတ်သွားပြီးနောက်ပိုင်းမှာလဲ ကျွန်မတို့ သူငယ်ချင်းတွေတစ်ယောက်ချင်းစီရဲ့အိမ်လိုက်လည်ကြ၊ ရုပ်ရှင်ရုံတွေမှာမှောင်ခိုသမားတွေနဲ့ရန်ဖြစ်ပြီးကြည့် လိုက်၊ ကစားကွင်းတွေလျှောက်သွားလိုက်နဲ့ အပြင်မှာတွေ့ဖို့အုပ်စုလိုက်ချိန်းလိုက်ကြတာ ကျောင်းပြန်ဖွင့်လို့ နောက်တစ်နှစ်ရောက်တဲ့ အထိပါပဲ။

ဒုတိယနှစ်ကိုရောက်တော့ ကျွန်မတို့ကျောင်းကို တာဝ(ရန်ကုန်အရှေ့ ပိုင်းတက္ကသိုလ်)မှာသွားတက်ရပါတယ်။ တာဝ(ရန်ကုန်အရှေ့ပိုင်းတက္ကသိုလ် )ဆိုတာနာမည်တောင်မကြားဖူးတော့ နာမည်ကြားတာနဲ့ တင်ဘယ်လိုကြီး လဲပေါ့။ ဒါနဲ့ပဲစုံစမ်းကြည့်လိုက်တော့ ကျောင်းကတော်တော်ဝေးတယ်တဲ့ ခရမ်း၊ သုံးခွဘက်ကိုသွားတဲ့လမ်းမှာ ဆောက်ထားတာ ကျောင်းကြီးကအကြီးကြီးပဲ၊ အဆောင်တွေကလဲအများကြီး၊ သစ်ပင်တွေကအခုမှစိုက်တုန်း နေကတော့ပူတာဘာပူသလဲမမေးနဲ့အရိပ်မရှိတော့ပိုဆိုးတယ်တဲ့။ တွေ့ကြပြီပေါ့တာဝရယ်.....။

ကျွန်မတို့ကျောင်းစတက်တဲ့နေ့မှာ အိမ်ကအကိုဖြစ်သူက စိတ်မချလို့ကားနဲ့လိုက်ပို့ပါတယ်။ ကျွန်မလဲဘေး ပတ်ဝန်းကျင်ကိုကြည့်ရင်းလိုက်ပါလာတာ သန်လျင်တံတားကျော်လာတော့ ရောက်ပြီထင်ပြီး ခဏ ခဏ မေး လွန်းလို့ အကိုဖြစ်သူကကျွန်မကို နင့်ကျောင်းကရောက်ဖို့လိုသေး တယ် ငြိမ်ငြိမ်လေးနေပါ ကားမောင်းရတာ အာရုံများတယ် ဆိုပြီးကျွန်မကိုစိတ်မရှည်စွာနဲ့ပြန်ဖြေပါတယ်။ ဟော….ဟိုးမှာတွေ့လား အဆောက်အဦးတွေ အဲ့ဒါနင့်တို့တက်ရမယ့်ကျောင်းပဲ လို့အကိုကပြတော့ကျွန်မတို့လှမ်းကြည့်ကြတာ အလုအယက်ပါပဲ။

အကိုပြတဲ့နေရာကနေဆက်ပြီး မောင်းလာလိုက်တာ မိနစ်အနဲငယ်ကြာတော့ ကျောင်းကိုရောက်ခဲ့ပါတယ်။ ကားထဲကအောက်ကိုဆင်းတော့ ကျွန်မတို့ခါးတွေ၊ ခြေထောက်တွေဆိုတာ ညောင်းချိနေတာနဲ့ ခြေထောက် ကျင်နေတဲ့သူနဲ့ ခြေခါတဲ့သူကခါ၊ တကျွတ်ကျွတ်နဲ့စုတ်သပ်တဲ့သူကသပ်၊ ခါးကိုဘယ်/ညာလှည့်သူကလှည့် နဲ့ တာဝဆိုတဲ့အရသာကိုကျွန်မတို့စတင်ခံစားရပါတယ်။

ကျွန်မတို့အုပ်စုက မြို့နယ်မတူ၊ တစ်ယောက်တစ်နေရာစီပြန်ရပေမဲ့ ကျောင်းကားကိုတော့ တစ်စီးထဲကိုပဲစီးကြ ပါတယ်။ ကျောင်းမှာတစ်နေ့လုံး စကားတွေဖောင်ဖွဲ့ပြီးတင်အားမရသေး ကျောင်းကားပေါ်မှာရော၊ ကျောင်းကား ဂိတ်ဆုံးလို့ လမ်းခွဲနှုတ်ဆက်ကြတာတောင်မှ စကားကမပြတ်လို့ အိမ်လိုက်အိပ်ကြ၊ အိမ်ခေါ်အိပ်ကြနဲ့ မခွဲနိုင် မခွာရက်ချစ်ကြတာ။ မိဘတွေကလဲအိမ်မှာ လူတွေတရုံးရုံးနဲ့ကိုမျက်စိနောက်တယ်မထင်ခဲ့ပါ၊ တညလုံးမအိပ်ပဲ စကားတွေပြောကြ၊ သီချင်းတွေနားထောင်ကြ၊ ကာရာအိုကေအသံပြိုင်ဆိုကြ၊ အပျော်တမ်းဖဲကစားကြနဲ့ ကျွန်မတို့ဒုက္ခကိုလဲ မိဘတွေခံစားခဲ့ရပါတယ်။ တက္ကသိုလ်ကျောင်းသားရဲ့လွတ်လပ်ပျော်ရွှင်တဲ့ဘ၀ကို မိဘတွေကနားလည်ပေးခဲ့ကြပါတယ်။

ဆက်ရန်-

နှင်းဆီနက်

ကျွန်မကို ကျွန်မရဲ့မောင်ငယ်ဗညားကတဂ်လာပါတယ်။ သူတဂ်လာတဲ့ခေါင်းစဉ်ကိုကြည့်လိုက်တော့ ကျွန်မ မျက်လုံးအတော်ပြူးသွားတယ်။ အမလေး….. ဗညားရယ်ဒါကြီးကိုလာတဂ်ရလား လို့ စိတ်ထဲကညည်းမိပါ တယ်။ ဗညားကိုတွေ့တော့ကျွန်မက ဗညားရေ မရေးချင်ဘူး၊ မရေးရင်မရဘူးလား ပြောတော့ အမရယ် နဲနဲ စတိလောက်တော့ရေးပါ တဲ့ မရေးမချင်း ကျွန်မကို မကြီးလတ် ရေးဦးလေ အားသေးဘူးလား သူများတွေ ရေးပြီးကုန်ပြီနော် ဆိုပြီး ဂျီကျနေတာနဲ့ပဲ အရင်တုန်းကအတိတ်ကိုပြန်လည်တူးဆွပြီး ရေးလိုက်ပါတယ်။

ကျွန်မငယ်ငယ်ကတည်းက အိမ်မှာသမီးတစ်ယောက်တည်းမို့ မိဘနဲ့အကို၊မောင်တွေက မျက်စေ့အောက်က အပျောက်မခံပါဘူး။ အကိုနဲ့မောင်ကြားမွေးလာလို့လားမသိ ကျွန်မမိန်းကလေးပေမဲ့ စကားပြောတာ၊ တွေး တောတာကအစ မိန်းမမဆန်ခဲ့ဘူး။ အကိုတွေမောင်တွေနဲ့အပြိုင် အနိုင်ပိုင်းဆော့ခဲ့တယ်။ အကိုကလဲသူ့ညီမ ကိုတခြားလူတွေကရိတိတိစကားပြောရင် စိတ်တိုပြီးလက်ကပါလာပြီ ၊ မောင်ငယ်ကလဲသူ့အမကို အထိမခံ၊ အကြည့်မခံ….။ နောက်ပြီးကျွန်မကိုယ်တိုင်ကယောကျာ်းဆန်ပြီး ယောကျာ်းလေးလိုပြောဆိုနေထိုင်တော့ တော်ရုံလူအနားကပ်လို့မရ။

အထက်တန်းကျောင်းတုန်းကလည်း ကျောင်းသွားရင် အကိုနဲ့မဟုတ်ရင်မောင်နဲ့သွားရတော့ ကျွန်မကိုလိုက် တဲ့သူတွေက စောင့်ကြည့်သီချင်းစောင်းဆိုရုံပဲအခွင့်အရေးရပါတယ်။ ကျောင်းခန်းထဲမှာဆိုရင်တော့ စာအုပ် ငှားပြီးစာအုပ်ကြားမှာစာညှပ်ပေး၊ စာအုပ်ထဲရည်းစားစာရေးပေး၊ ရည်းစားစာရွက်တွေကိုစက္ကူစွန်လုပ်ပြီးပစ်၊ သီချင်းတွေလက်ရွေးစင်ကူးပေး၊ ပို့စ်ကတ်တွေလက်ဆောင်ပေး၊ လက်ကိုင်ပုဝါလှလှလေးတွေဝယ်ပေး၊ ဖောင်တိန်၊ ကလစ်၊ ရင်ထိုးလေးတွေလက်ဆောင်ပေး စတဲ့ပိုးကြေးပန်းကြေး နည်းအမျိုးမျိုးနဲ့ကြိုးစားကြ ပါတယ်။ ကျောင်း၊ ကျူရှင်၊ အပြင်သွားတာကအစ အကို(သို့)မောင်တစ်ယောက်ယောက်ကအမြဲပါခဲ့တာရော ကျွန်မကိုယ်တိုင်က အချစ်ရေးကိုစိတ်မ၀င်စားတာရောကြောင့် အထက်တန်းပြီးတဲ့အထိရည်းစားမထားဖူး ခဲ့ဘူး။

ပထမနှစ်စတက်ရတဲ့အချိန်မှာတော့ ကျွန်မကိုရင်ခုန်စေတဲ့သူနဲ့စတင်ဆုံဆည်းခဲ့ပါတယ်။ စကားပြောရင် ပွင့်ပွင့်လင်းလင်း အသံကျယ်ကျယ်ပြောတတ်တဲ့ကျွန်မ…. သူများကျွန်မဆီလာပြီး စကားပြောရင် ပြောစရာ စကားတွေပျောက်ဆုံးခဲ့ကာ အသံတွေတုန်ပြီး လက်တွေပါတုန်တဲ့အထိ ရုပ်ပျက်ဆင်းပျက်ဖြစ်ခဲ့ပါတယ်။ သူကတော့မသိပေမဲ့ ကျွန်မသူငယ်ချင်းတွေက ကျွန်မအဖြစ်ကိုရိပ်မိနေခဲ့ပါတယ်။

စာသင်ခန်းရှေ့ မှာ သူလာရပ်ကြည့်နေရင် ကျွန်မအာရုံတွေစာမှာမရှိတော့………။

ကင်န်တင်းထိုင်လို့သူပါလိုက်စားတဲ့နေ့ဆို ကျွန်မစားတဲ့အရာက အရသာတွေဘယ်ပျောက်ကုန်လဲမသိ……..။

စကားပြောရင်မျက်နှာကြည့်ပြောမှအားရတဲ့ကျွန်မ သူ့မျက်နှာကြည့်ဖို့အားယူရတာပင်ပန်းလွန်းခဲ့တယ်……..။

သူ့အသံကြားရင် ကျွန်မရင်တွေခုန်နေခဲ့တယ်………။

သူကူးပေးတဲ့စာတွေကျက်ရတာ ပိုမှတ်မိစေခဲ့တာ………။

သူမိုးပေးတဲ့စာအုပ်လေးတအုပ်က ကျွန်မအတွက်အရိပ်ရစေခဲ့တာ…………..။

သူဖျော်ပေးတဲ့ကော်ဖီက ချိုမြိန်စေခဲ့တာ………….။

သူ့ဂရုစိုက်မှုအောက်မှာ နွေးထွေးတတ်ခဲ့တာ…………။

သူ့အပြုံးမှာ ပျော်ဝင်နေခဲ့တာ…………..။

သူဘေးမှာရှိနေတဲ့အချိန်တွေမှာ ကျွန်မကျောက်ရုပ်တရုပ်လိုငြိမ်သက်သွားခဲ့တာ……..။

ဒါဟာ…….အချစ်လား……….အချစ်တဲ့လား………..အချစ်ကလူတစ်ယောက်ကို အကြီးအကျယ်ပြောင်းလဲသွားစေသလား……… ကိုယ်တွေ့မို့ကျွန်မယုံခဲ့ရပြီ……..။

ကျွန်မတို့ချစ်သူတွေဖြစ်သွားပြီးနောက်ပိုင်းအဖြစ်တွေကိုဆက်သိချင်ရင်တော့ ပို့စ်အဖြစ်တင်ထားဖူးတာကို ပြန်ညွှန်းရတော့မှာပဲ။ http://www.hninsinet.com/2009/03/blog-post_08.html

ကဲ ကျေနပ်ပါတော့ဗညားရေ…..။

မူပိုင် = နှင်းဆီနက်

အတိတ်ဟောင်းကနေ့ရက်တွေကို မဆွေးချင်

အနာဂတ်ရဲ့ နေ့ရက်အကြောင်းလဲ မတွေးချင်

ရေစီးကြောင်းအတိုင်း

အလိုက်သင့်မျောပါရင်ပဲ ကောင်းမလား…?

ရေဆန်ကိုပဲခြေကန်တက်ရင် ကောင်းမလား…?

ကန့်သတ်ချက်များနဲ့စည်းမျဉ်းများက

ကြိုးပေါင်းများစွာနဲ့ချည်ထားခဲ့တော့

ရုန်းကန်မှုအားမဲ့စွာ ဒူးထောက်ခဲ့ရတယ်

ငါ့ကြမ္မာကို ငါရွေးခွင့်မရှိခဲ့တော့

ဖြစ်ချင်တဲ့ဆန္ဒတွေကို င့ါအိပ်မက်ထဲမှာပဲ

အကြိမ်ကြိမ်အသက်သွင်းခဲ့ရတယ်

မြိုသိပ်ထားတဲ့အကြောင်းတရားတွေက

ရင်ဘတ်နဲ့မမျှတော့ ရင်ဖွင့်စရာရှာကြည့်တယ်

သနားစရာသတ္တ၀ါလို

ဘေးမှာကြည့်နေတာ ငါကိုယ်တိုင်ပါလား……။

(စိတ်ညစ်ညစ်နဲ့စိတ်ကူးပေါက်ရာ စိတ်ထွက်ပေါက်တစ်ခုအဖြစ်ရေးသားထားခြင်းဖြစ်ပါတယ်။)

မူပိုင် = နှင်းဆီနက်

ချစ်သူရေ

ပြောပြချင်တဲ့အကြောင်းအရာများနဲ့

မပြောဖြစ်ခဲ့တဲ့စကားလုံးများစွာက

မင်းအတွက် စိတ်ရှုပ်စရာ၊ နာကျည်းစရာတွေဖြစ်ခဲ့လို့

ငါ့ကိုမင်းမုန်းမယ်ဆိုရင်

ငါကျေနပ်စွာခေါင်းငုံခံမယ်…..

ချစ်သူရေ

အရာရာအတွက် ငါခေါင်းငုံခံခဲ့တယ်

မင်းမုန်းနိုင်ဖို့အတွက်လဲ ငါခံရဲခဲ့တယ်

ငါ့အတွက်ရှင်ခြင်းဟာ

သေခြင်းနဲ့ဘာမှမထူးတော့ပြီပဲ

င့ါသိက္ခာအတွက် ငါသေတတ်ခဲ့တယ်…..

ချစ်သူရေ

လိုအပ်ချက်တွေပြည့်နေတဲ့ဘ၀မှာ

ဖြစ်ချင်တဲ့ဆန္ဒကိုချိုးနှိမ်ခဲ့ပြီး

ဖြစ်သင့်တာကိုရွေးချယ်ခဲ့တာ

ဆူးလမ်းဖြစ်ခဲ့ရင်တောင်

ငါကျေနပ်စွာနင်းဖြတ်ရဲပါတယ်…..

ချစ်သူရေ

ဒို့နှစ်ယောက် နောက်ဆုံးတွေ့ဆုံချိန်မှာ

မင်းပေးတဲ့ ၀ိုင်တစ်ခွက်က

င့ါအတွက်

ပြင်းရှတဲ့အဆိပ်တစ်ခွက်ဖြစ်ခဲ့မယ်ဆိုရင်တောင်မှ

င့ါရဲ့ဂုဏ်သိက္ခာနဲ့မာနအတွက်

ငါကျေနပ်စွာသောက်ခဲ့မှာပါ…..

မူပိုင်= နှင်းဆီနက်

ထာဝရပါအမေလို့ခေါင်းစဉ်တပ်ထားပေမဲ့ ကျွန်မအတွက်အမေရော အဖေပါထာဝရကျေးဇူးရှင်မိဘနှစ်ပါးပါ။ တိုက်တိုက်ဆိုင်ဆိုင်ဆိုသလို အမေများနေ့ကမေလ(၁၀)ရက်နေ့လဲဖြစ်ပြန်၊ ကျွန်မစိတ်မှာကလဲ အမေနဲ့ ပက်သက်ပြီးရေးချင်တဲ့စိတ်က တားမရဆီးမရဖြစ်လာတော့ အမေ့အကြောင်းလေးကို ဦးစားပေးရေးဖြစ်သွား တာပါ။

မွေးဖွားခြင်းအစ

ကျွန်မကို လောကကြီးကစတင်ကြိုဆိုတဲ့နေ့မှာ အမေဟာထူးထူးခြားခြားဗိုက်မနာပဲ ခြေထောက်တွေကိုက်လို့ နေပါသတဲ့။ ၀ါဆိုလပြည့်နေ့ဖြစ်တဲ့အတွက် အမေတစ်ယောက်တည်း မနက်စောစောစီးစီး ၀ါဆိုဆွမ်းကပ်ဖို့ အတွက် ချက်ပြုတ်တော့ ခြေထောက်တွေက မခံမရပ်နိုင်အောင်ကိုက်နေပါတယ်။ ဆွမ်းကျက်လို့ဆွမ်းကပ်ပြီး ဘုရားကန်တော့လို့ပြီးနောက်မှာ အမေနဲ့အဖေဟာအသင့်ပြင်ထားတဲ့ခြင်းလေးကိုဆွဲပြီး ဆေးရုံကိုတန်းပြေး တော့တာပါပဲ။ ဆေးရုံရောက်ပြီး မွေးဖွားခန်းထဲရောက်တဲ့အချိန်အထိကို ခြေထောက်တွေကကိုက်နေခဲ့တာပါ တဲ့။ ထူးဆန်းတယ်နော် တစ်ချို့ မိခင်တွေဆိုဗိုက်နာပြီးမွေးတာ ကျွန်မကမွေးခါနီးလေခြေထောက်တွေက ပိုကိုက်လေဆိုတော့လေ။

အဲ့ဒါကြောင့်မို့လားမသိ ကျွန်မမှာလေးဘက်နာရောဂါတော့မရှိဘူး ခြေထောက်ကိုက်တာတော့ တခါတလေ ဖြစ်တတ်ပါတယ်။ အမေဘယ်လိုခံစားခဲ့ရတယ်တော့မသိဘူး ကျွန်မတော့ခြေထောက်ကိုက်ပြီဟေ့ဆိုတာနဲ့ အော်နေရတော့တာပါပဲ။ ကျွန်မကိုမွေးဖွားချိန်က နေ့လည်၁နာရီမှဆိုတော့ အမေအတော်ပင်ပန်းနွမ်းနယ် နေပြီ။ သို့ပေမဲ့ နီတာရဲရဲ၊ အာခေါင်ပြဲပြဲ ၊တအဲအဲအော်ငိုနေတဲ့ကျွန်မမျက်နှာကိုမြင်လိုက်ရတဲ့အခါမှာတော့ အမေရဲ့ ပင်ပန်းနွမ်းနယ်မှုတွေ၊ ဆာလောင်မှုတွေ၊ နာကျင်မှုတွေဟာ သမီးတယောက်ခြေလက်အင်္ဂါအစုံ အလင်နဲ့ လောကကြီးကိုဝင်ရောက်လာမှုဆိုတဲ့ ကြည်နှုးမှုနဲ့အတူလွင့်စင်ကွယ်ပျောက်ကုန်ပါတယ်။

ကျွန်မကိုမိခင်နို့စတင်တိုက်ကျွေးတဲ့အချိန်မှာ အမေတစ်ယောက်တော်တော်ဒုက္ခရောက်ခဲ့ပါတယ်။ မိခင်နို့ကို သောက်သုံးရမယ်မှန်းမသိတဲ့ကျွန်မ အမေကနို့တိုက်တဲ့အခါမှာ ခေါင်းတလည်လည်နဲ့ အော်ငိုနေခဲ့တာမို့ အမေရော၊ အဖေပါဘာဆက်လုပ်ရမယ်မှန်းမသိပဲ အခက်တွေ့ခဲ့ရပါတယ်။ အမေကလဲနို့တိုက်မရတော့ င့ါသမီးလေး နို့စို့အောင်ဘယ်လိုလုပ်ရမလဲ နို့တိုက်လို့မှမရရင် အသက်ဆက်ရှင်မှာမဟုတ်ပါဘူးဆိုပြီး ငိုလေ တော့ အဖေကလဲအမေ့ကိုနှစ်သိမ့်ပေးရင်းက မကြံတတ်အောင်ဖြစ်နေပါတယ်။ အမေနဲ့အဖေအဖြစ်ကို ဘေးကုတင်ကနေမြင်နေရတဲ့အဖွားတစ်ယောက်က မနေနိုင်လို့ဝင်ပြီးကူညီပေးတော့မှပဲ အဆင်ပြေသွားပါ တယ်တဲ့။

နို့စတိုက်ချိန်တုန်းကဒုက္ခရောက်ခဲ့သလို နို့တိုက်ရင်လဲအမေ့မှာဇက်တွေလဲညောင်း၊ ခါးကြောတွေတောင့်တဲ့ အထိတိုက်ခဲ့ရပါတယ်။ ပါးစပ်ကနဲနဲလေးလွတ်သွားတာနဲ့အော်တတ်ငိုတတ်လွန်းလို့ အမေ့မှာနာရီများစွာကို ကျွန်မအတွက်အချိန်ပေးခဲ့ရပါတယ်။ ငိုပြီးရင်မတိတ်တော့ပဲ တက်မတတ်ငိုလွန်း ငိုကြောရှည်လွန်းလို့ ဘေးက အိမ်တွေကဆို အမေတို့ကဖြင့်နာမည်မမှည့်ရသေးဘူး သူတို့တွေက ကျွန်မကို ဆွဲလည်းလေး၊ ခေါင်းလောင်း လေးလို့ ကင်ပွန်းတပ်ပြီးနေပြီလို့ ရယ်စရာအဖြစ်ပြန်ပြောပြပါတယ်။

ကျွန်မရဲ့ချက်ကြိုးဖြတ်တဲ့နေရာက ရေချိုးပေးပြီးတော့ရေစက်လေးကသွေးစလိုဖြစ်နေတာကို ကျွန်မချက်က အနာမကျက်သေးဘူးသွေးပြန်ထွက်လာတယ်ထင်ပြီး ကျွန်မကိုပွေ့ချီပြီး အဖေ့ရုံးကိုပြေးပြောတော့ အဖေက လဲစိတ်ပူပြီးကျွန်မကိုအမေ့လက်ထဲမှပြောင်းပွေ့ကာ ဆေးရုံကိုပြေးပြကြတာ ဆေးရုံရောက်လို့ဆရာဝန်က သေချာစမ်းသပ်ပြီး ရှင်းပြတော့မှပဲ အဖေနဲ့အမေတစ်ယောက်မျက်နှာတစ်ယောက်ကြည့်ပြီး ရှက်ရယ်ရယ်ခဲ့ ကြပါတယ်။ ကျွန်မအပေါ်ထားတဲ့မိဘမေတ္တာများကြီးမားလွန်းလှပါတယ်...။

လမ်းလျှောက်တတ်ခါစအချိန်မှာဆိုလည်း အမေတစ်ယောက်ကျွန်မအတွက် လမ်းလျှောက်ရလွယ်ကူစေရန် ၀ါးလုံးတန်းလေးများရိုက်ပေးခဲ့ပါတယ်။ မြေကြီးကိုကျင်းတူးထားပြီးတော့ ကျင်းထဲမှာကျွန်မကို ခြေထောက် သန်မာစေရန်အတွက် ထည့်ထားပေးခဲ့ပါတယ်။ ချုပ်နှောင်ထားတာကိုငယ်ငယ်ကတည်းက မကြိုက်တဲ့ ကျွန်မက ဖြတ်သွားတဲ့လူတွေကိုလက်ခုပ်တီးခေါ်ပြီး တအဲအဲနဲ့ကျွန်မကိုကျင်းထဲကထုတ်ပေးဖို့ သနားစရာ ပုံစံနဲ့လုပ်ပြတာကိုလဲ အမေကကျွန်မကိုတမ်းတမ်းတတပြန်ပြောပြတတ်ပါတယ်။ စိတ်ကြီးတာနဲ့ ခေါင်းမာတာ ကတော့ငါနဲ့တစ်ပုံစံတည်းပဲ ငါ့ထက်တောင်စိတ်ကထက်သေး ဒါကြောင့် အမြင်ကတ်တယ် ဟုကျွန်မကို အမေ နဲ့တူလို့ပဲ စိတ်မရှည်သလို၊ မချစ်တော့သလိုမျိုးလဲပြောတတ်ပါသေးတယ်။

အမေနဲ့အဖေစကားများကြရင်လည်းကျွန်မကအဖေ့ဘက်ကပဲပါလေ့ရှိပါတယ်။ အဖေကကျွန်မကိုအခုချိန်ထိ ဆူလည်းမဆူဖူး၊ ရိုက်လည်းမရိုက်ဖူးပါဘူး။ ငယ်ငယ်ကတည်းက အပြစ်လုပ်မိပြီဆိုရင်တော့ အမေ့လက်သံကို ရင်းနှီးထားပြီးသားလေ လက်နဲ့အခေါက်ခံရရင်ခံရ၊ မခံရရင်တော့ ကြိမ်လုံးကိုရေစိမ်ပြီးမှရိုက်တတ်တာ...။ ကျွန်မတို့မောင်နှမတွေကအမေရိုက်ခံရပြီးတာနဲ့ အဲ့ဒီကြိမ်လုံးကိုဖျောက်ပစ်တတ်လွန်းလို့ အမေ့မှာလဲကြိမ်လုံး ၀ယ်ရပေါင်းလည်းမနဲပါဘူး။

တခါအကိုဖြစ်သူကိုရိုက်မယ်လုပ်တော့ ကြိမ်လုံးကလဲရှာမရတေ့ာ သစ်ကိုင်းကိုချိုးပြီးရိုက်တာ သစ်ကိုင်းကလဲ ခြောက်နေတော့ ရိုက်ဖို့လွှဲလိုက်တာနဲ့ကျိုးတာကို ရိုက်ခံရမှာစိုးလို့စာကျက်ချင်ယောင်ဆောင်နေတဲ့ကျွန်မ၂ခါ ၃ခါလဲကျရော မနေနိုင်တော့ပဲရယ်မိတာကြောင့် အမေ့မျက်စောင်းကကျွန်မဘက်ကိုလှည့်လာပါရော။ အမေကကျွန်မကိုရိုက်ရင်တော့တခါတခါအမြင်ကတ်ကတ်နဲ့ပိုရိုက်မိတတ်ပါတယ်။ ဘာလို့လဲဆိုတော့ ကျွန်မကိုရိုက်ရင်ကျွန်မကအဖေ့အသည်းဆိုတော့ အဖေပြန်လာတိုင်းအရှိုးရာတွေကိုပြပြီးတိုင်တတ်လို့ပါပဲ။ ကျွန်မတိုင်ပြီးတိုင်းအဖေနဲ့အမေစကားအကြီးအကျယ်များတတ်ကြပါတယ်။

ကျွန်မကျောင်းပိတ်တဲ့အခါနဲ့ကြုံရင်တော့ အဖေကအမေ့ကိုစိတ်ဆိုးဆိုးနဲ့ ကျွန်မကိုရုံးခေါ်ခေါ်သွားတတ်ပါ တယ်။ ရုံးဆင်းတော့လဲသားအဖနှစ်ယောက်အိမ်ကိုတန်းမပြန်ကြသေးပါဘူး အဖေကကျွန်မကိုစတိုးဆိုင်ဝင်ပြီး လိုချင်တာဝယ်ပေး၊ ဆီချက်ခေါက်ဆွဲကြိုက်တဲ့အတွက် ရန်ရှင်းဆိုင်ကဆီချက်ခေါက်ဆွဲဝယ်ကျွေးပြီးမှ အိမ်ကို ပြန်ကြတာ။ အိမ်ကိုပြန်ရောက်တော့ ကျွန်မကိုသတိရနေတဲ့အမေက မသိချင်ယောင်ဆောင်ပြီး ဘာတွေဝယ် လာလဲ၊ ဘာတွေစားခဲ့လဲမေးရင်တော့ ကျွန်မကရိုက်ခံထားတာတွေမေ့ပြီး အဖေ၀ယ်ပေးသမျှကို တခုပြီးတခု အမေ့ကိုထုတ်ပြပြီးကြွားတော့ အမေ့ကိုသတိမရဘူးလားဟင် ဆိုတဲ့အမေးကို သတိရတာပေါ့ အမေ့ကိုလဲ ဆီချက်ကျွေးချင်တာ သမီးအများကြီးစားခဲ့တယ် ဒီမှာကြည့် ဆိုပြီးဗိုက်ကိုပုတ်ပြပြီးဖြေလိုက်တဲ့အခါမှာ အမေ့ မျက်လုံးအိမ်ကမျက်ရည်တွေဝိုင်းသွားခဲ့တာကို အခုမှသမီးနားလည်ခဲ့ပါတယ်။

အမေ့အကြောင်းရေးရတဲ့အခိုက်မှာ ကျွန်မရင်ထဲမှာ ပျော်ရွှင်ခြင်း၊ ကြည်နှုးခြင်း၊ ၀မ်းနည်းခြင်း စတဲ့ခံစားချက် မျိုးစုံဖြစ်တည်ခဲ့ပါတယ်အမေ…။ အမေသာဒီစာလေးကိုဖတ်ဖြစ်ခဲ့မယ်ဆိုရင် သမီးကိုကြည့်ပြီး ဘယ်လိုခံစား ချက်နဲ့ပြောမယ်ဆိုတာသိချင်လိုက်တာ။ တခါတလေ စကားတစ်ခွန်းမှမပြောပဲ စိတ်ထဲကအလိုလိုသိနေမိတာ မျက်ဝန်းချင်းစကားပြောတယ်လို့ပြောကြပါတယ်။ စိတ်ချင်းဆက်သွယ်၊သိနားလည်တယ်ပေါ့။ ကျွန်မဆီက စကားသံမကြားရပဲ အမေနားလည်ခဲ့မယ်ဆိုတာကိုလည်း သမီးသိခဲ့ပါတယ် …။ အမေ့ဆီကစကားသံမကြား ရပေမဲ့ အမေပြောမဲ့စကားကိုသမီးနားလည်နေတယ်ဆိုတာ အမေသိမှာပါ…..။ အမေသိနေခဲ့မှာပါ…….။

မူပိုင် = နှင်းဆီနက်

ကျွန်မနဲ့ကျွန်မသူငယ်ချင်းနှစ်ယောက်ပြောဖြစ်တဲ့အကြောင်းအရာလေးတစ်ခုပါ…။

ကျွန်မတို့ကိစ္စတစ်ခုခုပေါ်လာတိုင်း အရေးကြီးတယ်… အရေးကြီးတယ်…. အရမ်းအရေးကြီးတယ် ဟုသုံးနှုန်း လေ့ရှိကြပါတယ်။ပေါ်လာတဲ့အကြောင်းအရာကိစ္စတိုင်းဟာလည်း ကျွန်မတို့အတွက် အရေးကြီးနေခဲ့တာပဲ မဟုတ်ပါလား။

ဒီလိုနဲ့ပဲ ဘာအရေးကြီးဆုံးလဲဆိုတဲ့အကြောင်းအရာလေးကို ကျွန်မတို့နှစ်ယောက် ပြောဖြစ်၊ ဆွေးနွေးဖြစ်ခဲ့ကြ ပါတယ်။ ဒါကလည်း ကျွန်မတို့ပြောဖြစ်၊ တွေးဖြစ်တဲ့အကြောင်းအရာလေးပါ...... ကြော်ငြာထဲကလိုပါပဲ ကိုယ့်အတွေးနဲ့ကိုယ်သောက်ကြသည်ပေါ့….။ ကျွန်မတို့သောက်ဖြစ်ခဲ့တဲ့ အရေးကြီးဆုံးဆိုတာကတော့….

ကျွန်မ။ ။ လောကမှာဘာအရေးကြီးဆုံးလို့နင်ထင်လဲ…

သူငယ်ချင်း။ ။ အင်း… ငါကတော့လောကမှာငွေအရေးကြီးဆုံးလို့ထင်တာပဲ၊ ငွေရှိရင်အားလုံးလုပ်လို့ရတယ်လေ…

ကျွန်မ။ ။ ဒါဆိုနင်ကလောကမှာငွေကအရေးကြီးဆုံးလို့ထင်တယ်ပေါ့ ငွေရှိရင်ပြီးပြည့်စုံတယ်ပေါ့ ကျန်တာ ကောမရှိတော့ဘူးလား….

သူငယ်ချင်း။ ။ ကျန်တာတွေကငွေလောက်အရေးမကြီးဘူးထင်တာပဲ အရေးကြီးတာတွေလဲရှိတာပေါ့ ငါပြောတဲ့သဘောကငွေရှိရင်ဘာမဆိုလုပ်လို့ရတယ်ပေါ့ ဒီခေတ်ကြီးထဲမှာ နင်ကကောဘယ်လိုထင်လို့လဲ…

ကျွန်မ။ ။ အင်း…. ငွေကလောကကြီးမှာအရေးတော့ကြီးပါတယ် ဒါပေမဲ့အရေးကြီးဆုံးလည်းမဟုတ်ဘူးပေ့ါ….

သူငယ်ချင်း။ ။ ဒါဆို ဘာကအရေးကြီးဆုံးလဲ နင်ကတော့လုပ်တော့မယ် ပြောပြစမ်းပါဦး နင့်အတွေးကို…..

ကျွန်မ။ ။ တစ်ယောက်နှင့်တစ်ယောက်သတ်မှတ်တာချင်းတော့ဘယ်တူနိုင်ပါ့မလဲဟ… အရေးကြီးဆုံးဆိုတာ မရှိဘူးလို့ထင်တာပါပဲ… ဘာလို့လဲဆိုတော့ ငါဥပမာပြောပြမယ်ဟာ… ဆယ်တန်းဖြေတဲ့ ကျောင်းသားတစ် ယောက်ပေါ့ သူဟာမြန်မာစာဖြေရမယ့်နေ့မှာမြန်မာစာကသူ့အတွက်အရေးကြီးဆုံးပဲ… ဖြေပြီးသွားရင်တော့ နောက်နေ့အတွက် အင်္ဂလိပ်စာကသူ့အတွက်အရေးကြီးဆုံးဖြစ်သွားပြီ…. အဲ့တော့အရေးကြီးဆုံးဆိုတဲ့အရာ ဟာ အမြဲပြောင်းလဲနေတယ်မဟုတ်ဘူးလား…. အဲ့ဒီအပေါ်မှာပဲကိုယ်ကလိုက်ပြောင်းလဲနေပြီးတော့ မှန်မှန် ကန်ကန်စိတ်ထားတတ်ဖို့သာအရေးကြီးတယ်လို့ငါထင်တယ်….။

သူငယ်ချင်း။ ။ အင်း… နင်ပြောတာလဲဟုတ်တာပဲ လူတိုင်းလူတိုင်းဟာ ကိုယ့်ကိစ္စကိုအရေးကြီးတယ် ထင်နေ ကြတာလေ ဟုတ်တယ်နော်….

ကျွန်မ။ ။ အင်းပေါ့..... အဲ့ကိစ္စကိုကျော်လွှားပြီးတဲ့အခါမှာ အရေးကြီးတယ်ဆိုတာက သူတို့အတွက်သာမန်ကိစ္စ တစ်ခုဖြစ်သွားပြီလေ နောက်ထပ်ပေါ်လာတဲ့ကိစ္စကသာ အရေးကြီးတယ်ဆိုတာထပ်ပြီးတော့ ဖြစ်ပေါ်လာတာ ဆိုတော့ အရေးကြီးဆုံးဆိုတာက အခြေအနေနဲ့အချိန်အခါပေါ်မှာပြောင်းလဲနေတယ်လို့ငါကတော့ ယူဆတယ်

သူငယ်ချင်း။ ။ အခုအချိန်မှာငါ့အတွက်အရေးကြီးဆုံးတစ်ခုရှိတယ် အဲ့ဒါကိုနင်ဖြည့်ဆည်းပေးမှဖြစ်မယ်နော်…

ကျွန်မ။ ။ အမ် ဘာကိုငါကဖြည့်ဆည်းပေးရမှာလဲ ဘာဖြစ်ပြန်ပြီလဲကောက်ကာငင်ကာကြီးကို….

သူငယ်ချင်း။ ။ အခုအချိန်မှာငါ့အတွက်အရေးကြီးဆုံးက ငါကော်ဖီခါးခါးလေးသောက်ချင်တယ် အဲ့ဒါ နင်ဝယ် တိုက်မှဖြစ်မယ်လေ ဟိဟိ….

ကျွန်မ။ ။ အော်… မိန်းမ လူလည်ကျပြီးတော့ ကော်ဖီသောက်ချင်တာကို ငါ့ကို ငါ့စကားနဲ့ဝယ်တိုက်ခိုင်းတာ ပေါ့လေ ကဲပါ လာသွားသောက်ကြတာပေါ့….

မူပိုင် = နှင်းဆီနက်

မောင့်တောအုပ်မှာ

ငှက်ပြာဝတ်ရည်၊ သောက်ယစ်ရီတတ်

နှင်းဆီဖြူလဲ့၊ ပျံသင်းဖွဲ့တတ်

ဝါသွဲ့ရွက်ကြွေ၊ လိပ်ပြာပွေတတ်

မြစ်ရေချောင်းစ၊ တေးညင်းမြတတ်

မိန်းမလှသူယောင်၊ မျက်တောင်ခတ်တတ်

ကျမ်းတက်ဇော်ဂျီ၊ ဖိုဝင်မီတတ်

ကြံစည်သမျှ ဖြစ်မြောက်ရသည်။

မောင့်တောအုပ်မှာ

လာလှည့်နေလှည့်၊ အိပ်စက်လှည့်ဟု

သဲ့သဲ့ခေါ်ငင်၊ မပီပြင်လည်း

ထင်ထင်ကြားလိုက်၊ တိမ်းမူးခိုက်ဝယ်

မိုက်မှားကြမ္မာ၊ တွန်းပို့ရာသို့

ထွက်ခွာလွင့်ပါး၊ ရပ်တပါး၌

ရွေ့ လျားရာသီ ထပ်ခဲ့သည်။

မောင့်တောအုပ်မှာ

ချမ်းသာအေးမြနေချင်လှလည်း

လမ်းစပျောက်ပျက်၊ ရှာပြန်ဆက်ပြီး

ပင့်သက်မောတွေ၊ မျက်ရည်ဝေဆဲ

မနေပျော်နဲ့ လာလိုက်ခဲ့ဟု

သဲ့သဲ့ခေါ်သံကြားရပြန်၏။

မြဲမြံနွယ်နှောင်၊ လူတို့ဘောင်၌

ယောင်မှားဧည့်သည်၊ မပျော်ကြည်ဘူး

မဆည်နိုင်တော့၊ နွမ်းပျော့ခွေညိူး

လမ်းမှားတိုးဆဲ၊ တိုးတိုးတစ်မျိုး

ချိုးငယ်ပြောသည်၊ မောင့်တောအုပ်မှာ

ငှက်ပြာဝတ်ရည်၊ သောက်ယစ်ရီသတဲ့

နှင်းဆီဖြူလဲ့၊ ပျံ့ သင်းဖွဲ့သတဲ့

မြစ်ရေချောင်းစ၊ တေးညှင်းမြသတဲ့

မိန်းမလှသူယောင်၊ မျက်တောင်ခတ်သတဲ့

ကျမ်းတက်ဇော်ဂျီ၊ ဖိုဝင်မီသတဲ့

ကြံစည်သမျှ ဖြစ်မြောက်လှသတဲ့

နှမ မသိရှိမည်လား.....။

ရေးသားသူ (ကြည်အေး)

(ရှုမ၀ ၁၉၇၃၊ ဖေဖော်ဝါရီ)

ကျွန်မဘ၀မှာပထမဆုံးနာကျင်ခဲ့ဖူးပါတယ်။ ကျွန်မကိုတစ်ခါမှ ဆူဖို့မပြောနှင့်တုတ်နဲ့တောင်မရိုက်ဖူးတဲ့အဖေက ကျွန်မကိုမချစ်တော့ဘူးလို့ပြောခဲ့ပြီး အတွင်းတံခါးဂျက်ချထားကာအိမ်အပြင်မှာထားခဲ့တုန်းက တယောက်တည်း ကြောက်စိတ်တွေနဲ့ငိုနေခဲ့မိပါတယ်။ ဖခင်ဖြစ်သူထံမှမချစ်တော့ဘူးလို့ပြောတာ ပထမဆုံးကြားခဲ့ရခြင်းဖြစ်ပြီး ၀မ်းနည်းကြေကွဲသဖြင့် အိမ်အပြင်အမှောင်ထဲမှာ မျက်ရည်များနဲ့ကျွန်မဆုံးရှုံးမှုတစ်ခုကိုခံစားရပြီးနောက် တံခါးကို အဆက်မပြတ်ထုလျက် စိတ်ဆိုးနေတဲ့ဖခင်ကို ကတိတွေအထပ်ထပ်ပေးကာ ပွင့်လာမဲ့တံခါးနဲ့အတူ ချစ်ရတဲ့ဖခင်ကို တောင်းပန်နေခဲ့မိတယ်။ လုပ်မိတဲ့အပြစ်တစ်ခုအတွက်ဖခင်၏စကားနှင့်လုပ်ရပ်ဟာ ကျွန်မကို နှုတ်ဖြင့်ဆူတာ၊ တုတ်ဖြင့်ရိုက်တာထက်အဆတစ်ရာပိုနာကျင်ခဲ့ရပါတယ်။

ပထမဆုံးအကြိမ်ဆုံးရှုံးခဲ့ရတာကတော့ ကျွန်မအရမ်းချစ်ရတဲ့အဖွားဖြစ်သူက ကျွန်မတို့ကိုခွဲခွာသွားခဲ့တုန်းက ဖြစ်ပါတယ်။ အဖွားရှေ့ ရောက်ပြီး အဖွားဖြစ်သူ၏မျက်နှာကိုစေ့စေ့ငှငှကြည့်ကာ -

လက်ကလေးကိုကိုင်ကြည့်လိုက်တော့ ကျွန်မလက်ကိုပြန်ဆုပ်ကိုင်တယ်….

ရင်ဘတ်ပေါ်ကိုလက်တင်ထားကြည့်တယ် နှလုံးခုန်နေတယ်……

နှာခေါင်းနားမှာလက်ချောင်းလေးကိုကပ်ကြည့်တယ် လေတိုးသွားတယ်…..

ခြေချောင်းလေးတွေကိုဆုပ်နယ်ကြည့်တယ် နွေးနေတယ်…..

မယုံကြည်နိုင်ခြင်းများစွာဖြင့်စိတ်အထင်နဲ့အမျိုးမျိုးစမ်းသပ်နေတဲ့ကျွန်မ….

အသက်မရှိတော့ပြီဖြစ်သော အဖွားဖြစ်သူ၏မျက်နှာကိုသာမလွတ်တမ်းငေးကြည့်နေမိတယ်။

“ အဖွားမရှိတော့ဘူး အဖွားရေသမီးတို့ကိုထားခဲ့ပြီလား...... ” လို့ပြောပြီးငိုချလိုက်တဲ့ညီမ၀မ်းကွဲလေးကို ကျွန်မ စိတ်တိုစွာနဲ့လှမ်းကြည့်မိတယ်။

“ ငိုချလိုက်လေ တင်းမထားနဲ့သမီးအဖွားကမရှိတော့ဘူး သမီးစိတ်ကိုလျှော့ပြီးငိုချလိုက်တင်းမထားနဲ့ငိုချလိုက်” အဒေါ်ဖြစ်သူကအနားကပ်လာပြီး အားပေးစကားသံနဲ့ကျွန်မပုခုံးကိုလာဖက်ကာ ချော့မော့ပြီးပြောလာပါတယ်။ သိပ်မကြာသောအချိန်လေးအတွင်းမှာ ဆရာဝန်ရောက်လာပြီးသေဆုံးချိန်ကို သတ်မှတ်၊ သေစာရင်းအတွက် ထောက်ခံချက်ရေးပေးပြီးနောက်တွင် ကျွန်မလည်းမျှော်လင့်မိနေသော စိတ်ကိုလျှော့ချလိုက်မိချိန်မှာတော့ မျှော်လင့်ချက်ပျက်စီးခြင်း၊ ဆုံးရှုံးခြင်း၊ နာကျင်ကြေကွဲခြင်း…များစွာနှင့် အဖွားရေ ဟုတီးတိုးရေရွတ်လိုက်မိကာ နေရာတွင်လဲကျသွားပါတော့တယ်…..

မူပိုင် = နှင်းဆီနက်

ကျွန်မထိုကောင်လေးကို သတိထားမိနေတာ ၃၊၄ကြိမ်မကတော့။ ကော်ဖီဆိုင်တွင် ကျွန်မတို့သူငယ်ချင်းတစ် သိုက် စာမေးပွဲနားနီးနေပြီဖြစ်သောကြောင့် ကျောင်းပြေးသောသူများကလည်း စာမရှိ၍ အသည်းအသန် စာကူးသူကကူး၊ စာနားမလည်သူကမေးသူမေး၊ စာရှင်းသူကလည်းရှင်းပြ တစ်ယောက်တစ်ပေါက်ဖြင့် တစ်ဆိုင် လုံးကို ကျွန်မတို့အသံများဖြင့်ဖုံးလွှမ်းနေပါသည်။ မေးနိုင်မည့်စာများကိုအမှတ်အသားပြုခြစ်လိုက်ဖြင့် ကျွန်မ လည်း အလုပ်ရှုပ်၊ ခေါင်းရှုပ်ပြီးအားရုံတွေများနေခဲ့သည်။ အမှတ်မထင် ကျွန်မခေါင်းမော့လိုက်မိချိန်တွင် တစ်ဘက်ခုံမှာထိုင်နေသောကောင်လေးမှ ကျွန်မအားလှမ်းပြုံးပြပါသည်။ ကျွန်မလည်းကျွန်မကိုပြုံးပြသည်ဟုမထင်၍ ကျွန်မအနောက်ဘက်ခုံကို တချက်လှည့်ကြည့်ရုံကြည့်လိုက်ပြီး သူငယ်ချင်းများနှင့်ဆက်၍ စာအကြောင်းဆွေးနွေးနေခဲ့သည်။ နောက်တစ်ကြိမ်တွင်မတော့ ကော်ဖီခွက်ကိုမေ့ာသောက်ပြီးပြန်အချတွင် ထိုကောင်လေးမှာ ကျွန်မကိုစိုက်ကြည့်နေကြောင်း သတိထားမိခဲ့သည်။

ကျွန်မတို့သူငယ်ချင်းများသည် အရမ်းခင်ဖို့ကောင်းပြီး၊ တစ်ယောက်နှင့်တစ်ယောက် ပြောမနာ၊ ဆိုမနာ၊ အစ အနောက်သန်သောသူများဖြစ်သည်။ အစအနောက်လွန်ပြီးစိတ်ဆိုးရင်လည်း ကြာကြာစိတ်မဆိုးနိုင်ကြ။ တစ်ယောက်ကစိတ်ဆိုးရင် ကျန်တဲ့သူတွေကဖြန်ဖြေပေးရင်းနဲ့ ရယ်စရာပြက်လုံးများကို တောက်လျှောက်ပြော တော့စိတ်ဆိုးတဲ့သူမှာကြာကြာစိတ်မဆိုးနိုင်ပဲ ချက်ချင်းပြေကြသည်။ တစ်ယောက်ကိုတစ်ယောက်ချောက်တွန်းလိုက်ကြ၊ ခံရတဲ့သူကလဲစိတ်ဆိုးလိုက်ကြ၊ မခေါ်ပဲနေကြ၊ ပြီးတော့လဲမနေနိုင်ပြန်တည့်လိုက်နဲ့ပဲ အတွဲမပျက်ပဲ ရှိသော သူငယ်ချင်းများဖြစ်ကြသည်။

ထိုအုပ်စုထဲတွင် ကျွန်မကိုတော့စကားအရာနှင့်ပဲဖြစ်ဖြစ်၊ အစအနောက်သန်၊ ချောက်ချရာတွင်ဖြစ်ဖြစ် ဘယ်သူ မှမနိုင်ကြပါ။ သူတို့ပြောသည်ထက် ကျွန်မကပိုပြောနိုင်သည်။ စကားအရာတွင် အရှုံးမပေးတတ်တာ ကျွန်မ အကျင့်။ တစ်ခြားအချိန်တွင် စကားကိုအပိုမပြောတတ်၍ မသိတဲ့သူများဆို ကျွန်မကို စကားနည်းတဲ့သူ၊ မာန ကြီးတဲ့သူဟုအထင်နှင့်ပြောတတ်ကြသည်။ တကယ့်တကယ်တွင် ကျွန်မကအကြောင်းသိက ပေါရှာသူ၊ အစ အနောက်သန်သူ၊ ရယ်စရာဟာသများကို ပြောနိုင်သူဖြစ်သည်။ သူငယ်ချင်းများသည် ကျွန်မဒဏ်ကိုအခံရဆုံး သောသူများဖြစ်သည်။ အထူးသဖြင့် ကျွန်မအချစ်ဆုံးသီတာမကတော့ အုပ်စုထဲတွင်အအေးဆုံး၊ ကျွန်မဘယ် လောက်အနိုင်ကျင့်ကျင့် ကျွန်မကိုအသည်းခံဆုံး…

ချစ်ဖို့ကောင်းတာကတော့ ကျွန်မဘယ်လောက်ဆိုးဆိုး သူတို့က ကျွန်မအပေါ်အကောင်းမြင်အကြည့်လေးတွေ နှင့် ခွင့်လွှတ်ပေးကြသည်။

အခုလဲ ထိုကောင်လေးက ကျွန်မကိုစိုက်ကြည့်နေတာကို သူတို့ကလည်းသတိထားမိနေပြီးဖြစ်သောကြောင့် တယောက်တပေါက်ဖြင့် ကျွန်မကိုစကြပါတော့သည်။ ကျွန်မလည်းသူတို့စနောက်ကြသည်ကို အရေးမထား စာကအရေးကြီးသည့်ဟန်ဖြင့် “နင်တို့နော် စာမေးပွဲကဖြင့်တပတ်ပဲလိုတော့တယ် စာမေးပွဲခန်းထဲရောက်မှ ကူပါဦး၊ ကယ်ပါဦးလာမလုပ်နဲ့ စာကိုပဲလုပ် တခြားဟာအာရုံမရှုပ်နဲ့” ဟု ဆရာမကြီးလေသံဖြင့်ပြန်ပြောလိုက်ပေမဲ့…. ဒီလောက်နဲ့တော့မဖြုံတဲ့အကြောင်းသိသူငယ်ချင်းများကဆက်စမြဲ။ သူတို့တွေကစလေလေ ထိုကောင် လေးမှာလည်းကျွန်မကိုသူနှင့်ဝိုင်းစနေသည်ကိုရိပ်မိနေပြီဖြစ်သောကြောင့်ထင် အတင့်ရဲလာသည်။

သူနှင့်အတူထိုင်နေသော သူငယ်ချင်းများကလည်းမြှောက်ပေးကြသည်ထင်သည် ကောင်လေးသည် ထိုင်ရာမှ ထလာပြီး “ကျွန်တော့ကိုထိုင်ခွင့်ပြုပါခင်ဗျာ” ဟုကျွန်မကိုကြည့်ပြီးခွင့်တောင်းလာပါသည်။ ကျွန်မလည်း သူ့ကိုမသိချင်ယောင်ဆောင်ပြီး စာအုပ်ကိုအသဲအသန်ဖတ်ချင်ယောင်ဆောင်နေလိုက်တော့ သူငယ်ချင်းတစ် ယောက်ဆီမှ “ အဟမ်း…. အဟမ်း….” လည်ချောင်းရှင်းသံနှင့်အတူ “ဟုတ်ကဲ့ ရပါတယ်ထိုင်ပါ ခုံပိုယူပြီးထိုင် လို့ရပါတယ်” ပြောလိုက်တော့ ကောင်လေးမှာခုံတစ်ခုံယူပြီး ကျွန်မတို့ဝိုင်းမှာထိုင်မလိုလုပ်တော့ ကျွန်မကို ချောက်ကျတာမြင်ချင်တဲ့သူငယ်ချင်းတစ်ယောက်က ကျွန်မရှေ့တည့်တည့်နေရာတွင်ထိုင်နေသောသူကို ဖယ် ခိုင်းပြီး ထိုကောင်လေးကိုနေရာချပေးပါတော့သည်။

ကောင်လေးလဲနေရာတွင်ထိုင်ပြီးသည်နှင့်သူ့ကိုယ်သူစတင်မိတ်ဆက်ပါသည်။ သူမိတ်ဆက်ပြီးသည်နှင့် ကျွန်မ နာမည်သိချင်ကြောင်းတိုက်ရိုက်မေးလာပါတော့သည်။ ကျွန်မကိုချောက်ကျနေပြီ၊ ခံနေရပြီဆိုပြီး ပြုံးစိစိနဲ့ကြည့် နေကြတဲ့သူငယ်ချင်းတွေကိုဒီလိုနဲ့တော့အရှုံးမပေးချင်။ တော်ရုံလူစိမ်းယောကျာ်းလေးဆိုစကားစမပြောတတ်တဲ့ ကျွန်မ၊ ဒီတခါကျမှတော့ မေးလာတဲ့မေးခွန်းကိုမှပြန်မဖြရင် သူငယ်ချင်းတွေကြားမှာ ကျွန်မကို နိုင်ကွက်အဖြစ် အမြဲပြောစရာအကြောင်းအရာတစ်ခုအဖြစ်မခံနိုင်။ ကျွန်မလဲခေသူမဟုတ်ပါလား….။

ကံကြမ္မာကပဲကျွန်မဘက်အလေးသာခဲ့သလား၊ နတ်ကောင်းပဲမသလားမသိ ကျွန်မနာမည်မဖြေခင် အချိန်လေး အတွင်းမှာပဲ ကျွန်မခေါင်းကိုလက်နှင့်အပုတ်ခံရပြီးနောက် “အော်…….ညီမကဒီမှာစာလာလုပ်နေတာကိုး…… အကိုကဆိုင်ရှေ့ကဖြတ်တော့ ညီမကိုမြင်လိုက်လို့ဝင်လာခဲ့တာ တယ်ကြိုးစားနေပါလား” ဟုပြောသံနှင့်အတူ ကျွန်မဘေးကိုရောက်လာသူက ကျွန်မအကိုရဲ့ အချစ်ဆုံးသူငယ်ချင်း(ကျွန်မနှင့်လည်းအကိုတယောက်လိုချစ် ခင်ရသောသူ)။ ကျွန်မလည်းလက်ရှိအခြေအနေအကျဉ်းအကြပ်ထဲမှကယ်တင်ရှင်ရောက်လာသလို ၀မ်းသာ အားရဖြစ်ကာ “အကိုက ဘယ်သွားမလို့လဲဟင်…” မေးလိုက်တော့ “အကိုလား စာအုပ်ဆိုင်ဘက်သွားမလို့ စာအုပ်ဝယ်မလို့လေ ညီမမုန့်လိုက်စားဦးမလား” ဟုမေးသံဆုံးသည်နှင့်ကျွန်မလည်း “ဟာ….စားမှာပေါ့ လိုက်မယ်လေ ခဏနော် စာအုပ်တွေသိမ်းလိုက်ဦးမယ်” ဟုပြောလဲပြော၊ စာအုပ်တွေကိုအိတ်ထဲအမြန်သိမ်းဆည်းပါတော့သည်။ ကျွန်မလည်းအိတ်ကိုကောက်လွယ်ပြီးထိုင်နေရာမှထတော့ ထိုကောင်လေးမှာ ဆက်ပဲ ထိုင်ရမလိုလို၊ သူ့သူငယ်ချင်းတွေဘက်ကိုပဲ ပြန်သွားရတော့မလိုလိုနှင့် မျက်စိမျက်နှာပျက်နေသည်။

စိတ်လက်ပေါ့ပါးသွားတဲ့ကျွန်မ အပြုံးတွေများစွာနဲ့ဆိုင်ပြင်ကိုရောက်တော့မှ သူငယ်ချင်းတွေကိုလှည့်ကြည့်လိုက်ပြီး မျက်စိတစ်ဘက်ကိုမှိတ်၊ လျှာထုတ်ပြပြီး ငါ့ကိုနင်တို့ဘယ်တော့မှအနိုင်ရမယ်မထင်နဲ့ ဆိုတဲ့ပုံနှင့် လက်မ ထောင်ပြလိုက်၊ သနားပါတယ်ဆိုတဲ့ပုံစံမျိုးလက်ခါပြလိုက်နှင့် အမျိုးမျိုးလုပ်ပြတော့ ဆိုင်တွင်းမှ မအီမလည် မျက်နှာတွေနှင့်ကျွန်မကို လက်သီးဆုပ်သူဆုပ်ပြ၊ အေး နင်တော့ နောက်တခါကျရင်တွေ့မယ် ဆိုတဲ့ပုံနှင့် အံကြိတ်သူကြိတ်ပြနှင့်မကျေမနပ်မျက်နှာများနှင့်ကျန်ခဲ့ကြပါတော့သည်။

ကျောင်းသားဘ၀အမှတ်တရများစွာထဲမှ တခုကိုရေးသားထားခြင်းဖြစ်ပါသည်။ အခုတော့တစ်ယောက်ကို တစ်နေရာဆီမှာ အရင်လိုပြန်ဆုံတွေ့ဖို့လဲမလွယ်၊ ကိုယ်စီအလုပ်များစွာနဲ့ ဘ၀ဆိုတဲ့စကားလုံးနှစ်လုံးအောက်မှာ ရုန်းရင်းကန်ရင်းနစ်မြုပ်နေကြပါတယ်။

လွမ်းလိုက်တာ ကျောင်းတော်ကြီးနဲ့ချစ်သောသူငယ်ချင်းများရယ်.....

မူပိုင် = နှင်းဆီနက်

ချစ်တယ်......

ချစ်တယ်…..တဲ့

မောင့်ဆီကချစ်တယ် ဆိုတဲ့စကားတစ်ခွန်းမှာ ကျွန်မဆီမှာအားအင်တွေအပြည့်နဲ့ပါလား

ချစ်…….တယ် တဲ့ စကားလေးကနှစ်လုံးတည်း….

စကားနှစ်လုံးကိုပေါင်းလိုက်တော့ လူနှစ်ဦးရဲ့ ဘ၀(သို့)သူစိမ်းနှစ်ယောက်ရဲ့ ဘ၀နှစ်ခုကို တစ်ခုတည်း၊ တစ်ဘ၀ တည်း၊ တစ်ထပ်တည်းဖြစ်စေခဲ့တယ်……

မောင့်ရင်ခွင်ဟာ မကျယ်ပေမယ့် ကျွန်မအတွက်တော့လုံခြုံနွေးထွေးမှုကိုပေးနိုင်ပါတယ်တဲ့…

မောင့်ရဲ့ အချစ်တွေက ကျွန်မအတွက်အကောင်းဆုံးအင်အားဖြစ်စေခဲ့တယ်….

မောင့်ရင်ခွင်ထဲမှာ ကျွန်မအတွက်တည်ဆောက်ထားတဲ့ နန်းတော်တစ်ခုရှိတယ်တဲ့….

အဲ့ဒီနန်းတော်ကို အချစ်၊ မေတ္တာ၊ သစ္စာ၊ နားလည်မှုဆိုတဲ့ တိုင်ကြီးလေးခုနဲ့အခိုင်အမာတည်ဆောက်ထားတာ တဲ့လေ….

နန်းတော်ထဲမှာ ကျွန်မအတွက်အခန်းတစ်ခန်းအပြင် အချစ်သစ်ပင်လေးတစ်ပင်ပါစိုက်ပျိုးထားခဲ့တယ်....

အချစ်သစ်ပင်လေးကတော့

ကျွန်မဆာရင်စားသုံးဖို့ ပန်းသီးလဲဖြစ်တယ်……..

ကျွန်မသောက်သုံးဖို့ ရေလဲဖြစ်တယ်……..

ကျွန်မပျင်းရင် စကားပြောဖို့ လူလဲဖြစ်တယ်……..

ကျွန်မဖျားရင် ဆေးကုဖို့ ဆရာဝန်လဲဖြစ်တယ်…….

ကျွန်မစိတ်ညစ်ရင် အားပေးဖို့ အဖော်လဲဖြစ်တယ်…...

ကျွန်မငိုရင် နှစ်သိမ့်ဖို့ ပုခုံးတစ်ဘက်လဲဖြစ်တယ်…….

ကျွန်မပျော်ရွှင်ဖို့ သီချင်းတွေနဲ့ ဖြေဖျော်သူလဲဖြစ်တယ်……

ကျွန်မအိပ်ရင် ပုံပြင်လှလှလေးတွေနဲ့ချော့သိပ်ဖို့ ပုံပြောသူလဲဖြစ်တယ်…….

ကျွန်မရဲ့ အချိန်တွေအကုန်လုံးမှာလိုအပ်သမျှကိုဖြည့်ဆည်းပေးနိုင်တဲ့ အချစ်သစ်ပင်လေးတစ်ပင်ကိုပါ စိုက်ပျိုး ပေးထားတယ်…….

ဒီလိုခမ်းနားတဲ့နန်းတော်ကြီးနဲ့အချစ်သစ်ပင်ရှိနေမှတော့ ကျွန်မအတွက်ဘာလိုအပ်ဦးမှာလဲရှင်…

နန်းတော်ကြီးမပျက်စီး၊ မပြိုလဲဖို့နဲ့ အချစ်သစ်ပင်မခြောက်ခန်း၊ မသေဆုံးဖို့ကတော့ မောင်နဲ့ကျွန်မတို့နှစ်ဦးရဲ့  အချစ်၊ မေတ္တာ၊ သစ္စာ၊ နားလည်မှုတွေအပေါ်မှာပဲ မူတည်ပါလိမ့်မယ်။

မူပိုင် = နှင်းဆီနက်

ထိုမိန်းကလေးကို ကျွန်မစတွေ့သည့်အချိန်တွင် ကလေးလေးတစ်ယောက် သာမန်ကလေးလေးဟုပဲ မြင်ခဲ့မိ ပါသည်။ သူမကိုစတွေ့ချိန်တွင် သူမသည်အဖွားဖြစ်သူ၏ လက်ကိုဆုပ်ကိုင်ထားပြီး၊ ၀တ်ဆင်ထားသော အ၀တ်အစားမှာလည်း စပန့်သားအကျီင်္ပွပွနှင့် ဘောင်းဘီမတိုမရှည်ပွပွဝမ်းဆက်ကိုဝတ်ဆင်ထားသည်။ သူမကို တွေ့တိုင်းလည်း ဒီလိုပုံစံနှင့်အမြဲတွေ့ရပါသည်။

သူမ၏အကြောင်းကိုစတင်သိရှိတဲ့နေ့တွင် သူမအစား နာကျည်းခြင်း၊ လုပ်ရက်လေခြင်း၊ ဖြစ်မှဖြစ်ရလေခြင်း စသည့်ခံစားချက်မျိုးစုံနှင့်သူမအတွက်မခံမရပ်နိုင်ဖြစ်ပြီး ထိုလူအား တွေ့ဖူးမြင်ဖူးချင်စိတ်တွေတားမရဆီးမရနှင့် ကျွန်မ…။ ကျွန်မကသာ သူမအစား မခံမရပ်နိုင်ဖြစ်နေရတာ..... သူမကတော့ လက်ရှိသူမအဖြစ်ကိုတောင် နာကျည်းရကောင်းမှန်း၊ စိတ်နာရကောင်းမှန်းမသိ..။ အေးချမ်းလေစွ။

သူမ၏အသက်မှာ၁၄နှစ်ကျော်ကျော်လေးပဲရှိသေးသည်။ မိဘနှစ်ပါးမှာ မရှိကြတော့။ အရပ်ကတော့ ၄ပေ တောင်မပြည့်။ သူမ၏စိတ်အခြေအနေဟာလည်း ကလေးတယောက်စိတ်ပင်မပြည့်ချင်။ သူမနားလည်ထား သည်က သူမ၏အဖွား ကျွေးတာစားမည်၊ ဆော့မည်၊ အိပ်ချိန်တန်လျှင်အိပ်မည်။ ကလေးတစ်ယောက်လို အပြစ် ကင်းစင်တဲ့သူမရဲ့ ဘ၀ကို ဖျက်ဆီးပစ်သောထိုယောကျာ်းသည် လူပီသပါရဲ့ လား…..။

ကျွန်မက သူမကို၀၀ကစ်ကစ်ကလေးမလေးဟု ထင်ထားမိသည်။ နောက်မှ သူမသည် ယုတ်မာသော လူတစ် ယောက်၏ ကိုယ်ဝန်ကိုဆောင်ထားရခြင်းဖြစ်ကြောင်း၊ သူမကိုယ်တိုင်ပင် ကိုယ်ဝန်ရှိနေမှန်းမသိပဲ ထမင်းအများ ကြီးစား၍ သူမဗိုက်ကြီးဖောင်းကားလာသည်ဟု သူမအားမေးလာသည့်လူတိုင်းကို ဗိုက်လေးအား ပုတ်ပုတ်ပြ၍ ဖြေတတ်ကြောင်းသိရသည့်အချိန်တွင် ကျွန်မသည်သူမအစား စိတ်မကောင်း…။

သူမ၏အမှုအားတရားရုံး၊ တရားခွင်စစ်ဆေးသောနေ့တွင် စိတ်ဝင်တစားလာရောက်ကြည့်ရှုနားထောင်ကြသော လူများမှာမနည်းလှပေ။ ထိုလူအားရုံးထုတ်လာသောအခါတွင် ကျွန်မမှာဘယ်လိုလူစားမျိုးလဲဆိုတာ သိချင်ဇော နှင့် အပြေးအလွှားလိုက်ကြည့်မိပါသည်။ ထိုလူကိုတွေ့လိုက်ရသောအခါတွင် ကျွန်မမှာ အံ့အားသင့်သွားပါတော့ သည်။ အသားဖြူဖြူ၊ အရပ်မနိမ့်မမြင့်၊ ပိန်ပိန်ပါးပါး၊ ရုပ်ရည်သန့်သန့်နှင့်ကောင်လေး။ အသက်ကဖြင့် ၁၇နှစ်ပဲ ရှိသေးသည်တဲ့၊ မိန်းမယူထားတာ၆လလောက်ပဲရှိသေးသည်။ အိမ်ထောင်သက် မကြာလှသေး။ သူ့မိန်းကလေး မှာလဲ အသားဖြူဖြူချောချောလေးဖြစ်သည်။

ထိုလိုလူတစ်ယောက်က ဦးနှောက်စွမ်းရည်မပြည့်ဝသောသူမကို အနိုင်ကျင့်ခဲ့သည်ဆိုသည်မှာ ကျွန်မ မပြောနှင့် တွေ့တဲ့သူတိုင်းကမယုံနိုင်။ သူ၏လက်ရှိမိန်းကလေးနှင့်ယှဉ်ရင်တောင်မှ အပုံကြီးကွာခြားရက်နှင့် ဘယ်လို ကြောင့်များစော်ကားခဲ့ရပါသလဲ။ တရားရုံး၏စစ်ဆေးချက်အရ သူမအားမုန့်ကျွေးမည်ဟုဆိုကာ ထိုလူမှ အနိုင် ကျင့်စော်ကားခဲ့ကြောင်း၊ သူမအားတခြားလူတွေအားပြန်မပြောနှင့် ပြန်ပြောလျှင် နောက်မုန့်မကျွေးတော့ဘူးဆို ကာ နှုတ်ပိတ်ထားကြောင်း၊ ကိုယ်ဝန်ရှိလာသောအခါတွင်လည်း မုန့်စားလို့ဗိုက်ကြီးဖောင်းလာသည်ဟု ပြော ခိုင်းကြောင်း၊ နောက်ပိုင်းတွင် သူမအားရှောင်နေခဲ့သည်ဟု သိရသည်။

ထိုလူဘက်မှလည်း ရှေ့ နေနှင့်ခုခံကာကွယ်ပြီး၊ သူမဘက်မှစွပ်စွဲချက်များသည် တပတ်နှင့်တပတ်မပြတ်နိုင်ပဲ လအတန်ကြာလာခဲ့သည်မှာ သူမမီးဖွားမည့်အချိန်သို့ပင်ရောက်လာခဲ့သည်။ ကျွန်မလည်း ကျောင်းစာမေးပွဲနှင့် လုံးလည်လိုက်ပြီး သူမတို့ဆီတောင်မရောက်ဖြစ်ခဲ့ပေ။ စာမေးပွဲဖြေဆိုပြီး၍ ကျွန်မသူငယ်ချင်းဆီသို့ အလည်ရောက်သောအခါတွင်မှ စိတ်မကောင်းစရာ သူမသတင်းကို ကြားသိခဲ့ရသည်။

အိပ်မက်သာဖြစ်လိုက်ရင်သိပ်ကောင်းမှာပဲလို့တွေးမိတယ်… အိပ်မက်မဟုတ်မှန်းသိရဲ့ နဲ့လေ နင် င့ါကို လုပ်ရက် လိုက်တာ နင့်ကိုငါဘယ်လောက်ချစ်တယ်ဆိုတာလဲ နင်သိတယ် နင်င့ါကိုဘယ်လောက်ချစ်တယ် ဆိုတာကို တော့ အခုငါသိခဲ့ရပြီလေ…။

အခုတော့ နင်ထားခဲ့တဲ့နေရာလေးမှာ ငါနင့်ကိုတမ်းတနေမိတာ နင်သိမှာမဟုတ်ပါဘူး။ ဒီနေရာလေးမှာပဲ နင်ငါ့ ကိုချစ်တယ်လို့ပြောခဲ့တာ….ပြီးတော့ ဒီနေရာလေးမှာပဲ နင်ငါ့ကိုထားခဲ့တာ….

နင်တော်တော်ရက်စက်တယ်နော်၊ ငါ့မိဘတွေကိုငါဘယ်လိုမျက်နှာမျိုးနဲ့ ငါမဟုတ်တဲ့တခြားတယောက်နဲ့တွဲနေ ပြီလို့ပြောမလဲ ငါ့မိဘတွေနဲ့မိတ်ဆက်ပေးဖို့ဆိုတာ ငါ့အနေနဲ့ဘယ်လိုအင်အားမျိုးနဲ့ပြောခဲ့ရတယ်ထင်လဲ၊ ဒါတွေကိုနင်ကတော့သိမှာမဟုတ်ပါဘူး၊ သိလဲသိချင်မယ်မထင်ပါဘူးလေ…။ င့ါမိဘတွေဘက်က ငါသဘော ကျရင်လဲမတားတော့ပါဘူး ဆိုတဲ့စကားသံအဆုံးမှာ ငါဘယ်လောက်ပျော်ခဲ့ရတယ်ထင်လဲ…။ ဒါပေမဲ့ နင်ငါ့ကို ဘယ်လိုအငြိုးနဲ့များရက်စက်ခဲ့လဲ..။ ငါ့မိဘတွေနဲ့တွေ့ပြီးလို့မှ နှစ်ပတ်မပြည့်ခင် နင်ဟာ ငါမဟုတ်တဲ့ တခြား ကောင်မလေးနဲ့တွဲနေပြီဆိုတဲ့သတင်းဟာ ငါ့နားကိုတောင်မယုံခဲ့ပါဘူး။ လာပြောတဲ့ သူတွေကိုတောင် ငါမုန်းမိ တယ်။ နင့်ဆီကမဟုတ်ပါဘူးဆိုတဲ့စကားအဆုံးမှာ ငါအကုန်လုံးနဲ့ရန်သူဖြစ်ခဲ့တယ်။

ဒါပေမဲ့လည်း နင်ဟန်ဆောင်လိမ်ညာထားတာကို ငါသိလိုက်ရတဲ့အချိန်မှာ ငါ့မျက်စိကိုမယုံနိုင်ဖြစ်ခဲ့ရတယ်။ နင်လုပ်ရက်တယ်နော်… နင်ငါ့ကိုလူပုံအလယ်မှာအရှက်ခွဲလိုက်တာ၊ အံ့သြတဲ့အကြည့်တွေနဲ့ကြည့်နေကြတဲ့ င့ါရဲ့သူငယ်ချင်းတွေ၊ စပ်စုတဲ့အကြည့်နဲ့ကြည့်နေကြတဲ့သူတွေကြားမှာ ငါအဲ့ဒီနေရာကနေ အငွေ့ပျံ ပျောက်ကွယ် သွားလိုက်ချင်တော့တယ်….

ငါ့ကျူရှင်အောက်မှာ နင်ဟာတခြားကောင်မလေးရဲ့လက်ကိုတွဲ၊ ရယ်ရယ်မောမောစကားတွေပြောပြီး ဖြတ် လျှောက်သွားတာကိုငါမြင်လိုက်ရတော့ င့ါမျက်စိကိုငါမယုံနိုင်ခဲ့ဘူး…။ နင်တို့ကိုကြည့်နေတဲ့ ငါ့ရင်ထဲမှာ မီးတောက်ကြီးတခုတောက်လောင်နေသလိုပဲ.....ရှက်လွန်းလို့ ဘယ်သူမှလဲမကြည့်ရဲ… ၀ိုင်းတက်လာတဲ့ မျက်ရည်စတွေနဲ့ငါ ဘာလုပ်ရမယ်မသိခဲ့….. နင် င့ါကိုတချက်တည်းသေနိုင်တဲ့နည်းနဲ့သာ အသေသတ်သွားပါ လားဟယ် အဲ့ဒီဒဏ်ရာက အခုခံစားရတဲ့ဝေဒနာထက်သက်သာမယ်ထင်တယ်…. ။ ဒီလိုတော့ မရက်စက်သင့် ဘူး….

အားပေးဆုပ်ကိုင်လာတဲ့သူငယ်ချင်းအသံတွေကြားမှာ ငါမနေတတ်ခဲ့… ဘာဖြစ်တာလဲ ဘယ်လိုဖြစ်ကြတာ လဲဆိုတဲ့ မေးခွန်းတွေဟာလဲ ငါသိချင်နေခဲ့တဲ့အကြောင်းအရာတွေပါပဲ ငါမဖြေတတ်ခဲ့ဘူး….

ငါ့အသံကြားရင်ချသွားတဲ့ဖုန်းကိုငါစိတ်နာတယ် နင့်အသံမှန်းသိရက်နဲ့ မရှိပါဘူး အပြင်သွားနေပါတယ် ဆိုတဲ့ စကားကိုငါမုန်းတယ် ငါ့ကိုဘယ်လိုချစ်ခဲ့တာလဲငါသိချင်ခဲ့တယ်...နင်ကငါ့ကိုမတွေ့ချင်လို့ရှောင်နေမှတော့ ငါလဲ နင်နဲ့အဝေးဆုံးလေးမှာ နေခဲ့တယ် ။

ငါကနင်နဲ့အဝေးမှာနေခဲ့ပေမယ့် နင်ကငါ့ကိုအလွတ်မပေးခဲ့ဘူးနော် ငါရှိတတ်တဲ့နေရာတွေကို တခြား ကောင်မ လေးနဲ့အမြဲလာခဲ့တယ် ငါ့ရှေ့မှာဆိုအရမ်းဂရုစိုက်ပြခဲ့တယ်၊ ငါနင့်ကိုဘာအပြစ်တွေများကျူးလွန်မိလို့ လဲ........ ငါမေးချင်တယ် အကြည့်ချင်းဆုံရင် ပြုံးစိစိနဲ့လုပ်နေတဲ့ နင့်ကိုငါဘယ်လိုနားလည်ရမလဲ နင်ဘာပြောထားလဲ မသိတဲ့နင့်ကောင်မလေးက ငါ့ကိုပုခုံးချင်းတမင်လာတိုက်တဲ့အထိတော့ ငါသည်းမခံချင်ခဲ့ဘူး.... ဒါတွေဟာ နင့်ကြောင့်ငါခံစားခဲ့ရတာတွေလေ…

ဝေဒနာတွေကိုကြိတ်မှိတ်ခံစားခဲ့ရတဲ့ငါ အနည်ထိုင်ဖို့အတွက်တော်တော်လေးကြိုးစားခဲ့ရတယ်.....နင်လဲင့ါရှေ့ မရောက်လာတာအတော်ကြာတော့ ငါ့အတွက်တစ်မျိုးတော့သက်သာခဲ့ရတယ်၊ အချိန်ဆိုတာကြီးက ငါ့ကိုကုစား ပေးနိုင်ခဲ့တယ် ...အရင်ကလောက်မဆိုးပေမယ့် ငါဖြေသာနိုင်လာတယ်…..

ကံကြမ္မာကင့ါကိုမျက်နှာသာမပေးခဲ့ပြန်ဘူးနော်၊ နင်ငါ့ရှေ့ကိုထပ်ရောက်လာတယ်........ဒီတစ်ခါတော့ အရင်လို ပြုံးစိစိနဲ့လဲမဟုတ်တော့ပါလား....နောင်တတွေရနေတဲ့ပုံနဲ့ စကားပြောချင်တယ်တဲ့လေ ဆုံးဖြတ်ရ ခက်နေတဲ့ ငါ့ကို သူငယ်ချင်းတွေကစောင့်ပေးကြတယ်........နင်က “ ကျွန်တော်သူ့ကိုစကားပြောချင်လို့ပါ ခဏလေးပါပဲနော် ” ဆိုတဲ့စကားသံအဆုံးမှာ ငါလဲငါသိချင်ခဲ့တဲ့အကြောင်းအရာတွေအတွက် “ ရတယ်လေ သွားတာပေါ့ ”ဆိုလိုက် တော့ သူငယ်ချင်းတွေက စိတ်မချတဲ့အကြည့်တွေနဲ့မလွှတ်ချင်ပဲလွှတ်ပေးလိုက်တယ်

ဆိုင်ထိုင်တော့ နင်ကငါသောက်တတ်တဲ့ကော်ဖီကိုမှာပေးတယ် နင်ငါ့အကြိုက်ကိုတော့မမေ့သေးဘူးပဲ၊ “နင်အဆင်ပြေလား ” တဲ့ မေးရက်လိုက်တာနင်ထားခဲ့တဲ့ဘ၀မှာငါအဆင်ပြေတာရှိမလားငါပြောလိုက်ချင်တယ်
“ ရည်းစားအသစ်ရနေပြီလား ” တဲ့ ငါ့ကိုနင့်လိုမျက်နှာများတဲ့သူလို့နင်ထင်နေလို့လား….
“ ငါနင့်ကိုသတိရနေခဲ့တာ ” တဲ့ ငါအကောင်းဆုံး ပျက်လုံးတခုကြားလိုက်ရသလိုပဲ……
“ ငါပေးထားတဲ့လက်ဆောင်တွေ နင်လူကြုံနဲ့ပြန်ပေးတာလက်ခံရတဲ့နေ့တုန်းက ငါနင်နဲ့တကယ်ခွဲရပြီဆိုပြီး ငိုမိတယ် ” တဲ့ အဟတ် ဟတ် ငါယုံချင်လိုက်တာ၊ ဒါပေမဲ့ငါနင့်ကိုဘယ်လိုမှမယုံတော့တာကို နင်မှမသိတော့ပဲ နင်သင်ပေးသွားတာလေ…

“ ငါသူ့ကိုအပျော်တွဲတာပါကွာ ငါလေသူ့ကိုဖြတ်လိုက်ပြီ ငါတကယ်ချစ်တာနင့်ကိုမှန်းငါသိခဲ့ပါပြီ၊ နင် ငါမရှိတဲ့ နောက်မှာ ဘယ်သူမှမတွဲဘူးဆိုတာလဲ ငါသိပါတယ်...... ငါနင့်အနားကိုမလာရဲလို့ နင့်သတင်းတွေတော့ ငါအမြဲ စုံစမ်းတယ် နင့်ကိုတွေ့ချင်လွန်းရင် ငါလာလာကြည့်တယ် နင်မသိဘူးမဟုတ်လား ” တဲ့လေ ။

ငါမသိချင်တော့ပါဘူး ငါရဲ့လက်ရှိဘ၀မှာ နင်ဆိုတာမပါပဲလည်း ငါနေနိုင်ပြီ.......... နောက်ပြီး နင့်ကို ငါကြောက် သွားခဲ့တာ……ငါ့ကို နင်ပထမဆုံးအကြိမ်ထားခဲ့ကတည်းက ငါကြောက်သွားခဲ့တာ နောက်တစ်ကြိမ်ထားမလား လို့လဲ ငါမတွေးချင်ဘူး မခံစားချင်ဘူး။

င့ါဆီကစကားသံကိုစောင့်နေတဲ့နင့်ကို ငါအတတ်နိုင်ဆုံးပြုံးပြီး “ နင့်ကိုငါမချစ်တော့ဘူးဟ ငါကတစ်ယောက်ဆို တစ်ယောက်ပဲချစ်ခဲ့တာ အဲ့တစ်ယောက်ကငါ့ကိုသစ္စာဖောက်သွားကတည်းက ငါအဲ့လူကိုငါ့နှလုံးသားထဲက အပြီးအပိုင်ထုတ်ထားပြီးသား နင့်ကိုပြန်လက်ခံဖို့ငါ့မှာအပိုမပါတော့ဘူး၊....နောက်ပြီးငါနင့်ကိုရွံတယ်.......... အဲ့လိုလူကိုမုန်းတယ် ”

င့ါစကားလဲဆုံးသွားရော မျှော်လင့်ချက်တွေနဲ့ကြည့်နေတဲ့နင့်မျက်နှာ တားမရအောင် ပျက်သွားခဲ့တယ်နော် ...... နင့်ကိုငါပြောခဲ့တာက နင်ငါ့ကိုလုပ်သွားခဲ့တာထက်စာရင် အသေးအဖွဲဆိုတာ နင်သိမှာပါ ။ နောက်ပြီး ငါ့ကို နင်က ကစားစရာအရုပ်လိုသဘောထားနေခဲ့တယ်ထင်တယ်.......နင်ထားခဲ့ရင်နေခဲ့၊ နင်ကချစ်ရင်ပြန်ချစ် ငါက စားစရာမဟုတ် အရုပ်မဟုတ်ဘူးနော် ငါလဲခံစားတတ်တယ် ။

“ ငါဆုတောင်းပေးခဲ့တယ် နင်လဲနင်တကယ်ချစ်တဲ့ကောင်မလေးနဲ့တွေ့ပြီး လက်တွဲနိုင်ပါစေလို့ ” ပြောပြီး ထထွက်လာခဲ့တော့ ထိုင်ခုံမှာနင်ခေါင်းငိုက်စိုက်နဲ့ကျန်ခဲ့တယ်။ ဆိုင်ပြင်ကိုရောက်တော့ ငါလေထူးဆန်းတာ ခံစားမိတယ်…. ငါ့ရင်ထဲမှာကာလရှည်ကြာခံစားနေရတဲ့ဝေဒနာတွေဟာ ဘာတစ်ခုမှကို မကျန်ခဲ့တာပါပဲ ရင်တစ်ခုလုံးပေ့ါပါးသွားတယ်.....

ငါနင့်ကိုအခုတကယ်မေ့နိုင်ခဲ့ပြီပဲ……….။

မူပိုင် = နှင်းဆီနက်

်သူမနှင့်ကျွန်မတွေ့ဆုံချိန်သည် သိပ်မကြာလိုက်။ သူမသည် ကျွန်မကိုမှတ်သားစရာတွေ အများကြီး ထားခဲ့၏။ သူမသည် အပြင်ပန်းအနေဖြင့် ရိုးအေးပြီး၊ ဘာမှမသိနားမလည်သည့်ပုံစံနှင့် ဟန်ဆောင်မှုတွေကို မျက်နှာဖုံး တပ်ကာထားသည်။ သူမသည် စကားကိုမပွင့်တပွင့်၊ ရှက်စဖွယ်ပုံစံပြောတတ်ပြီး၊ တကယ့်အပြင်တွင် မည်သည့် နေရာတွင်မဆိုရန်ဖြစ်ဖို့ ၀န်လေးသူမဟုတ်ပေ။ ထို့ပြင် သူမသည် ကျွန်မကို အလိမ်အညာစကားများစွာပြောဆို ခဲ့သည်။