သူ့ကိုယ်သူပင် ဆူးတွေကိုဆင်

လှသွေးကြွယ်ဝဖို့ ဘ၀ရေးခြယ်သလို့

စိတ်ကိုအရောင်ခြယ် အတိတ်ကိုအမှောင်ဖယ်

အရိပ်ကိုအုပ်လာသမျှ အဆိပ်ကိုထုတ်ကာထား

မေတ္တာနှင်းလိုလာသမျှ သစ္စာယွင်းယိုကာစ

ပန်းပွင့်တာထက် စိတ်ပွင့်တာဆန်းသမို့

သောကကိုအရင်းတည်

လောဘကိုအမြတ်ထုတ်

အတ္တကြီးစွာဖြင့် ပွင့်လန်းရှာပေဦးမည်။

မူပိုင် = နှင်းဆီနက်

မင်းသာငါ့ဘ၀
ငါ့ဘ၀မှာမင်းမရှိရင် လဲကျမှာစိုးလို့
ငါ့ရဲ့ နားကမင်း ဘယ်မှမသွားပါနဲ့တဲ့
အပြုံးတွေချိုခဲ့တာ အသုံးတွေပိုခဲ့တာ
အခု.....ငါဟာ မတ်မတ်ရပ်ဖို့တောင်
အကြိမ်ကြိမ်ကြိုးစားနေခဲ့ရတယ်......။

အလွမ်းတွေအေးအောင် ကြိုးစားတုန်း
ငါ့ရဲ့ ဝေးရာနင်ထွက်သွားခဲ့တယ်.....

အတွေးတွေနဲ့ကြည်နှုးနေခဲ့တာ
အဆွေးတွေနဲ့ငါလူးနေခဲ့ရတယ်.....

အရိပ်တစ်ခုလိုနေခဲ့တာ
အတိတ်တစ်ခုသာ ကျန်နေခဲ့ရတယ်......

အနုအလှနဲ့ယုယတာ
အတုအပသာငါရခဲ့တယ်........

ထက်မြက်မှုရဲ့ နောက်ကွယ်မှာ
ရက်စက်မှုနဲ့ပြည့်နေခဲ့တယ်........

အဆုံးထိငါချစ်ခဲ့တာ
မုန်းပြီးပစ်ဖို့မှမဟုတ်ခဲ့တာ......

ကျောသိုင်းပွေ့ဖက်ခဲ့တာ
ကျောခိုင်းမေ့ရက်စရာတွေဖြစ်ခဲ့သလား.......

အနမ်းတွေရှိုက်ခဲ့တာ
အလွမ်းတွေသာလောင်မြိုက်ခဲ့တယ်........

အပြုံးတွေငါသုံးခဲ့တာ
အမုန်းတွေပျက်သုဉ်းအောင်လို့ပါ.......

တိတ်ဆိတ်စွာနေခဲ့တာ
ကြိတ်မှိတ်ငါခံစားနေခဲ့လို့ပါ...........။

မူပိုင် = နှင်းဆီနက်

မိုး မရွာခင်တိုက်တဲ့ လေနုအေးကို ချစ်တယ်..........
မိုး ရေထဲလမ်းလျှောက်ရတာ ကြိုက်တယ်........
မိုး ရွာရင်လျှပ်စီးလက်တာကို ကြောက်တယ်........

မိုး ရေတွေစိုနေတဲ့ ကပိုကရိုမင်းပုံလေးကို ချစ်တယ်........
မိုး ရွာလုိ့ ဖားအော်သံကိုနားထောင်ရတာ ကြိုက်တယ်........
မိုး ရွာရင် မိုးခြိမ်းတာကို ကြောက်တယ်........

မိုး ရွာလို့ရွက်ပင်စိမ်းတွေယိမ်းတာကို ချစ်တယ်........
မိုး သီးကြွေလို့လိုက်ကောက်ရတာကို ကြိုက်တယ်........
မိုး ရေထဲချော်လဲမှာကို ကြောက်တယ်.........

မိုး ရာသီထဲမက်တဲ့အိပ်မက်တွေကို ချစ်တယ်.........
မိုး ရွာထဲငါးမျှားရတာကို ကြိုက်တယ်...........
မိုး ရေထဲ ကဏန်းတွင်းနှိုက်လို့အညှပ်ခံရတာကို ကြောက်တယ်.........

မိုး ရွာပြီးတင်ကျန်ခဲ့တဲ့ပိန်းရွက်ပေါ်ကရေစက်လေးကို ချစ်တယ်............
မိုး ရွာထဲသီချင်းအော်ဆိုရတာကို ကြိုက်တယ်............
မိုး နဲ့အပြိုင်ငိုရမှာကို ကြောက်တယ်..........

မိုး ရေစက်တွေအိမ်ခေါင်မိုးပေါ်ကျတာနားထောင်ရတာကို ချစ်တယ်............
မိုး ရွာတုန်းကော်ဖီပူလေးသောက်ရတာကို ကြိုက်တယ်..........
မိုး ရာသီထဲလွမ်းရမှာကို ကြောက်တယ်.........

မိုး ရွာပြီးစမြေသင်းနံလေးရှုရှိုက်ရတာကို ချစ်တယ်...........
မိုး ရွာပြီးငှက်ကလေးတွေအစာရှာထွက်တာအသံစုံမြည်တာကိုနားထောင်ရတာကို ကြိုက်တယ်..........
မိုး ရွာပြီးနောက် နောက်ထပ်မိုးမရွာတော့မှာကို ကြောက်တယ်........

ကျွန်မရဲ့ မိုးရာသီနဲ့ပတ်သက်ပြီးခံစားချက်လေးများကိုတင်ပြပေးလိုက်ပါတယ်။ ဥတုသုံးမျိုးမှာ မိုးဥတုနဲ့ဆောင်းဥ တုကိုအကြိုက်ဆုံးပါပဲ။ မိုးရွာရင်မိုးနဲ့ပတ်သက်ပြီးခံစားရသလို ဆောင်းတွင်းကျရင်လဲ ဆောင်းနဲ့ပတ်သက်ပြီး ခံစားမှုလေးတွေဖြစ်ပေါ်လာပါတယ်။ မိုးရာသီမှာမွေးခဲ့လို့လားတော့မဆိုနိုင်ပါ ကျွန်မမိုးဥတုကိုအရမ်းကြိုက်ပါ တယ်။ ခံစားချက်လေးများတူညီခဲ့မယ်ဆိုရင် လိုအပ်နေတာလေးများတွေ့ခဲ့ရင် ဖြည့်စွက်ပေးလို့ရပါတယ်နော်....။

နှင်းဆီနက်

အတိတ်ဟောင်းကနေ့ရက်တွေကို မဆွေးချင်

အနာဂတ်ရဲ့ နေ့ရက်အကြောင်းလဲ မတွေးချင်

ရေစီးကြောင်းအတိုင်း

အလိုက်သင့်မျောပါရင်ပဲ ကောင်းမလား…?

ရေဆန်ကိုပဲခြေကန်တက်ရင် ကောင်းမလား…?

ကန့်သတ်ချက်များနဲ့စည်းမျဉ်းများက

ကြိုးပေါင်းများစွာနဲ့ချည်ထားခဲ့တော့

ရုန်းကန်မှုအားမဲ့စွာ ဒူးထောက်ခဲ့ရတယ်

ငါ့ကြမ္မာကို ငါရွေးခွင့်မရှိခဲ့တော့

ဖြစ်ချင်တဲ့ဆန္ဒတွေကို င့ါအိပ်မက်ထဲမှာပဲ

အကြိမ်ကြိမ်အသက်သွင်းခဲ့ရတယ်

မြိုသိပ်ထားတဲ့အကြောင်းတရားတွေက

ရင်ဘတ်နဲ့မမျှတော့ ရင်ဖွင့်စရာရှာကြည့်တယ်

သနားစရာသတ္တ၀ါလို

ဘေးမှာကြည့်နေတာ ငါကိုယ်တိုင်ပါလား……။

(စိတ်ညစ်ညစ်နဲ့စိတ်ကူးပေါက်ရာ စိတ်ထွက်ပေါက်တစ်ခုအဖြစ်ရေးသားထားခြင်းဖြစ်ပါတယ်။)

မူပိုင် = နှင်းဆီနက်

ချစ်သူရေ

ပြောပြချင်တဲ့အကြောင်းအရာများနဲ့

မပြောဖြစ်ခဲ့တဲ့စကားလုံးများစွာက

မင်းအတွက် စိတ်ရှုပ်စရာ၊ နာကျည်းစရာတွေဖြစ်ခဲ့လို့

ငါ့ကိုမင်းမုန်းမယ်ဆိုရင်

ငါကျေနပ်စွာခေါင်းငုံခံမယ်…..

ချစ်သူရေ

အရာရာအတွက် ငါခေါင်းငုံခံခဲ့တယ်

မင်းမုန်းနိုင်ဖို့အတွက်လဲ ငါခံရဲခဲ့တယ်

ငါ့အတွက်ရှင်ခြင်းဟာ

သေခြင်းနဲ့ဘာမှမထူးတော့ပြီပဲ

င့ါသိက္ခာအတွက် ငါသေတတ်ခဲ့တယ်…..

ချစ်သူရေ

လိုအပ်ချက်တွေပြည့်နေတဲ့ဘ၀မှာ

ဖြစ်ချင်တဲ့ဆန္ဒကိုချိုးနှိမ်ခဲ့ပြီး

ဖြစ်သင့်တာကိုရွေးချယ်ခဲ့တာ

ဆူးလမ်းဖြစ်ခဲ့ရင်တောင်

ငါကျေနပ်စွာနင်းဖြတ်ရဲပါတယ်…..

ချစ်သူရေ

ဒို့နှစ်ယောက် နောက်ဆုံးတွေ့ဆုံချိန်မှာ

မင်းပေးတဲ့ ၀ိုင်တစ်ခွက်က

င့ါအတွက်

ပြင်းရှတဲ့အဆိပ်တစ်ခွက်ဖြစ်ခဲ့မယ်ဆိုရင်တောင်မှ

င့ါရဲ့ဂုဏ်သိက္ခာနဲ့မာနအတွက်

ငါကျေနပ်စွာသောက်ခဲ့မှာပါ…..

မူပိုင်= နှင်းဆီနက်

မောင့်တောအုပ်မှာ

ငှက်ပြာဝတ်ရည်၊ သောက်ယစ်ရီတတ်

နှင်းဆီဖြူလဲ့၊ ပျံသင်းဖွဲ့တတ်

ဝါသွဲ့ရွက်ကြွေ၊ လိပ်ပြာပွေတတ်

မြစ်ရေချောင်းစ၊ တေးညင်းမြတတ်

မိန်းမလှသူယောင်၊ မျက်တောင်ခတ်တတ်

ကျမ်းတက်ဇော်ဂျီ၊ ဖိုဝင်မီတတ်

ကြံစည်သမျှ ဖြစ်မြောက်ရသည်။

မောင့်တောအုပ်မှာ

လာလှည့်နေလှည့်၊ အိပ်စက်လှည့်ဟု

သဲ့သဲ့ခေါ်ငင်၊ မပီပြင်လည်း

ထင်ထင်ကြားလိုက်၊ တိမ်းမူးခိုက်ဝယ်

မိုက်မှားကြမ္မာ၊ တွန်းပို့ရာသို့

ထွက်ခွာလွင့်ပါး၊ ရပ်တပါး၌

ရွေ့ လျားရာသီ ထပ်ခဲ့သည်။

မောင့်တောအုပ်မှာ

ချမ်းသာအေးမြနေချင်လှလည်း

လမ်းစပျောက်ပျက်၊ ရှာပြန်ဆက်ပြီး

ပင့်သက်မောတွေ၊ မျက်ရည်ဝေဆဲ

မနေပျော်နဲ့ လာလိုက်ခဲ့ဟု

သဲ့သဲ့ခေါ်သံကြားရပြန်၏။

မြဲမြံနွယ်နှောင်၊ လူတို့ဘောင်၌

ယောင်မှားဧည့်သည်၊ မပျော်ကြည်ဘူး

မဆည်နိုင်တော့၊ နွမ်းပျော့ခွေညိူး

လမ်းမှားတိုးဆဲ၊ တိုးတိုးတစ်မျိုး

ချိုးငယ်ပြောသည်၊ မောင့်တောအုပ်မှာ

ငှက်ပြာဝတ်ရည်၊ သောက်ယစ်ရီသတဲ့

နှင်းဆီဖြူလဲ့၊ ပျံ့ သင်းဖွဲ့သတဲ့

မြစ်ရေချောင်းစ၊ တေးညှင်းမြသတဲ့

မိန်းမလှသူယောင်၊ မျက်တောင်ခတ်သတဲ့

ကျမ်းတက်ဇော်ဂျီ၊ ဖိုဝင်မီသတဲ့

ကြံစည်သမျှ ဖြစ်မြောက်လှသတဲ့

နှမ မသိရှိမည်လား.....။

ရေးသားသူ (ကြည်အေး)

(ရှုမ၀ ၁၉၇၃၊ ဖေဖော်ဝါရီ)

မောင့်ချစ်သက်၏၊ လက်ဖ၀ါးနု
သွေးဥရောင်လွှမ်း၊ ၀ါဂွမ်းနှယ်အိ
ကိုင်မထိရက်၊ ချွန်ထက်လက်သဲ
ဆေးရောင်မြဲခြယ်၊ ပျက်ပြယ်မရှိ
နုနယ်ဘိတောင်း၊ ဖေါ့ဖယောင်းနှယ်
ပျော့ပျောင်းသွယ်လွ
အလှပြည့်နှက်၊ ချစ်သူ့လက်။

မောင့်မိခင်၏၊ ညိုလွင်ပြာနှမ်း
မာကြမ်းကွဲအက်၊ လက်ဖ၀ါးပြင်
ရင့်ရော်သွင်မှာ၊ ဆယ်ဖြာလက်ချောင်း
ပြည့်ဖေါင်းမညက်၊ ညံ့သက်မှုကင်း
ရောင်ဆင်းညှိုးမဲ၊ လက်သဲငုံးတိ
ချေးညှော်ပြည့်မွ
အလှပျက်ပြယ်၊ အမေ့လက်။

ဖေါင်းအိနုညက်၊ ချစ်သူ့လက်နှင့်
ရော်ရင့်ကြမ်းခက်၊ အမေ့လက်တွင်
သိမြင်လာရ၊ "အလှ" "အလုပ်"
ခွဲထုတ်ချေမိ၊ အမေ၏လက်
အလုပ်လက်သည်
အသက်တမျှ၊ မနားရချေ
ဘ၀ခရီး
သားသမီးတွက်၊ ထိုလက်အစွမ်း
ဘ၀လမ်းတွင်၊ လှပန်းဆင်ခဲ့
အားမာန်ဖွဲ့ရစ်၊ သည်အဖြစ်ကြောင့်
အချစ်၏လက်၊ ပြောင်းသွယ်ညက်စေ
အမေ၏လက်၊ အလုပ်လက်သာ
နှစ်သက် ဂုဏ်ယူ ဘွယ်တကား။

ခင်သူသူဝင်း (ငွေတာရီ၊ ၁၉၇၈ခုနှစ် ဧပြီလ)မှကူးယူဖော်ပြပါသည်။
မူပိုင်မဟုတ်ပါ။
နှင်းဆီနက်

ချစ်သူ........
မင်းရဲ့မယုံသင်္ကာနဲ့ပြောလိုက်တဲ့
စကားတခွန်းဟာ
ငါ့ရင်ကို ဓါးနဲ့အချက်ပေါင်းများစွာ
မွှန်းနေသလိုပဲ နာကျင်ခဲ့ရတယ်... ။

ချစ်သူ........
ငါ့အသည်းကို
ဓါးထက်ထက်နဲ့ထိုးတဲ့ဝေဒနာထက်
မင်းရဲ့အထင်လွဲမှုကြောင့်
ခံစားရတဲ့ဝေဒနာက
ငါ့အတွက်ပိုပြီး နာကျင်ခံစားရတယ်... ။

ချစ်သူ.......
င့ါဘ၀မှာ မင်းဆိုတာကို
ပထမဆုံး၊ ရှေ့ဆုံးမှာ ထားခဲ့တာပါ
င့ါရဲ့မိဘ၊ သူငယ်ချင်း၊ လူမှုရေး...
ဆိုတာတွေက မင်းနဲ့ယှဉ်ရင်
အကုန်နောက်ဆုံးမှာပါ... ။

ချစ်သူ.......
တို့နှစ်ယောက်ချစ်ခဲ့တဲ့
ချစ်သူသက်တမ်း(၆)နှစ်ကျော်မှာ
ငါ့ဘက်ကမင်းကို စိတ်ပျက်အောင်
လုပ်ခဲ့မိတာတွေ ရှိကောင်းရှိမယ်
ဒါပေမဲ့ မင်းကိုသစ္စာဖောက်တဲ့အလုပ်ကိုတော့
ငါ့ဘက်က ဘယ်တော့မှလုပ်မှာမဟုတ်ဘူးဆိုတာ
မင်းယုံစေချင်တယ်... ။

နှင်းဆီနက်

လိပ်ပြာ




လိပ်ပြာ.......
မင်း...ပန်းဆီ လူပျိုလှည့်လာတော့
မင်းမှာ အချစ်ပါခဲ့ရဲ့လား....


အဖြည့်ခံ

ကိုယ်ဟာ မင်းရဲ့...
တစ်ဘ၀စာ လိုအပ်မှုအတွက် မဖြစ်ခဲ့ရင်
တစ်ခဏတာ ဖြည့်ဆည်းပေးမှုအတွက်
ကျေနပ်နေခဲ့သူပါ....